uMthunywa
UFIKE waqakamisa isibanga seManchester United uOle Gunnar Solskjaer ngesikhathi ephiwa umlandu wokuthi abambe isikhundla sikamqeqetshi kumidlalo eseleyo yaleli iqembu.
Imbiko ephuma enkundleni yeOld Trafford ibika ngokugcweleyo ukuthi lumqeqetshi uzawunikezwa lumsebenzi okwamampela kulandela ukwenza kuhle kweqembu osekuthabise abanikazi bethimu.
USolskjaer wayebizwa kusanda ukuxotshwa uJose Mourhino owehluleka ukuthola imiklomelo, iqembu selidliwa maviki wonke.
USolskjaer unqobe imidlalo eyedlula itshumi ilandelana, okungazange kweneliswe nguMourhino kuminyaka emithathu ezibambile.
Kubikwa impelaviki ayisoke ifike iManchester United ingakakhiphi lumbiko wokuqhatsha uSolskjaer.
Lumqeqetshi usebatshazwa njengomsizi weqembu nanko phela uselwela ukuphutsha isizini iManchester United ihlezi kunombolo yesine kuligi yeEnglish Premiership.
Uyiphekile iManchester United yaze yafinyelela isigaba sama-quarter final eChampions League inqoba iParis Saint German kumaviki amabili adluleyo.
Ithemba lokuthwala linkezo le seliphezulu kubalandeli be-Old Trafford.
Kusenjalo abadlali sebefake isikhalazo sokuthi kuqhatshwe uSolskjaer ngoba nguye umqeqetshi abamzwisisayo.
UNemanja Matic uthe: “Ngumqeqetshi kuzwa lo. Kodwa singakhohlwa ukuthi ulabancedisi bakhe ababalisa uMike Phelan, Michael Carrick, Kieran McKenna loMark Dempsey. Singathaba nxa engaqhatshwa,” kutsho lumdlali.
Labalandeli beMan United kuBulawayo bafuna kuqhubeke kulo Ole Gunnar Solskjaer esikhundleni.
— Ubulembu
