UMr Bones uzakwenza umcimbi wokubonga abalandeli

31 Oct, 2019 - 00:10 0 Views
UMr Bones uzakwenza umcimbi wokubonga abalandeli UMxolisi ‘‘Mr Bones’’ Ndlovu

uMthunywa

Wayne Ncube

NGESIKHATHI lapho abaculi abanengi abafisa ukuthi amadlalade abawakhiphayo abe lengoma ezizahlanyisa abantu ngesikhathi sekhefu leKhisimusi, umculi olodumo kuleli lakweleSouth Africa uMxolisi ‘‘Mr Bones’’ Ndlovu useveze ukuba uzakwenzela abalandeli bakhe umcimbi weKhisimusi ebonga indlela abamukela ngayo ingoma yakhe entsha etshisayo ethi ‘‘Phuma langa sikothe’’.

UMr Bones ukhiphe idlalade lakhe elitsha elithi “Inkunzimalanga Zendawo” ngoNcwabakazi elilengoma eziyisitshiyagalombi zomhlobo we-rhumba.

Ekhuluma lentatheli yephephandaba likazulu isikhulumi sikaMr Bones, uMpathiseni ‘‘Stress’’ Ndlovu uthe ingoma ezikulelidlalade ziphekwe ngobunono obukhulu ngenhloso yokujabulisa uzulu.

“Kulengoma ethi Inkunzimalanga Zendawo ekhuluma ngomalayitsha okudingeka ukuba bahlonitshwe ngomsebenzi omkhulu abewenzayo,” kutsho uStress.

“Phakathi kwawo wonke amadlalade akhitshwayo abantu batshengisele ukuthanda leli kakhulu ngakho lathi sithe siphindisele ngokuthi kuwonalo umnyaka sibenzele imicimbi engathi ithe xaxa sibafinyelele kuzo zonke indawo,” kuchaza uStress.

Intatheli kaMthunywa ikhulumisane loMr Bones oveze  ukuthi ngenxa yokuthi uyakuthanda ukuhlabela uzahlala ethokozisa abalandeli bakhe.

“Ukuhlabela kuyangithokozisa ngakho mina ngihlabelela ukuthokozisa abalandeli bami.”

Ebuzwa ukuthi imicimbi uzayenza nini uthe akukacaci kodwa uzazisa uzulu.

UMr Bones uphethe ngokubonga abantu kanye labalandeli abamxhasileyo ukuthi akhuphe idlalade leli abafana loFreddy Ntodela, Ntobeko Mpfulili, Anele Dube, Daniel Mpfulili, Madala Stokisi, Alex 16 Gear Sibanda, Junior Tshoba kanye loMaboys.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds