Umqando suseduze qaphelani i -early blight

28 Apr, 2022 - 00:04 0 Views
Umqando suseduze qaphelani i -early blight

uMthunywa

Khanyile Ndebele
INHLANGANISO ebona ngezokulima eye-Agritex isilumukise abalimi ngomkhuhlane we-early blight ohlasela amatamatisi otholalakala emhlabathini ngesikhathi somqando.

UNkosikazi Stella Rombe ongumlimisi we-Agritex koBulawayo uthe umkhuhlane lo ubangelwa yi-fungus ehlala emhlabathini ngesikhathi somqando kungakho kuqakathekile ukuthi abalimi baqaphele lokhu njalo bakuvikele ngoba isikhathini somqando sesisondele.

“Umkhuhlane we-early blight ubangelwa yi-fungus ebizwa ngokuthi yi-Alternaria solani ehlala emhlabathini ngesikhathi somqando. Abalimi kufanele beqaphele umkhuhlane lo ukuze benelise ukuthola amatamatisi avuthwe kuhle,” kutsho uNkszn Rombe.

Uqhubeke wachaza izibonakaliso ezibonakala esilinyweni esesihlaselwe ngumkhuhlane lo.

“Isilimo esihlaselwe ngumkhuhlane lo sikhanya ngamahlamvu aso. Siba lamatshatha alombala onsundu emahlamvini.

“Ngokuya kwesikhathi amahlamvu onke ayaphenduka umbala ube lithanga nxazonke abe sewela phansi ngemva kwesikhathi. Ngokuhamba kwensuku isilimo siyabe singasela mahlamvu kumbe sesilamahlamvu amalutshwane,” kutsho uNkszn Rombe.

Uphethe ngokuveza indlela umlimi angalwisa ngayo umkhuhlane lo.

“Umlimi angakwenza ukulwisa umkhuhlane lo yikutshintshanisa izilimo azilimayo endaweni ukuze kuvikelwe ukubanjwa kwesilimo esizayo ngumkhuhlane oyabe usemhlabathi.

“Okwesibili umlimi afanele akwenze yikwenqabela ukuhlanyela isilimo samatamatisi, eggplants lama-peppers ndawonye ngoba lezi ngezinye zezilimo ezihlaselwa ngumkhuhlane we-early blight.

“Umlimi ulakho njalo ukusebenzisa umithi obizwa ngokuthi yi-Certis Double Nickel 55.

“Okunye njalo okungenziwa ukwenqabela ukuthi isilimo sihlaselwe ngumkhuhlane lo yikuthi ungahlanyeli amatamatisi lapho owake wasihlanyela khona sabanjwa ngumkhuhlane lo ngoba lokhu kwenza isilimo esitsha sibanjwa ngumkhuhlane lo,” kutsho uNkszn Rombe.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds