YiNthatheli kaMthunywa
INTSHANTSHU kumdlalo wokugijima imango emide, u-Isaac Mpofu ubalelwa kulabo abakhangelelwe ukuthi bathinte intambo kumjaho weZITF Coca-Cola Four-Minute Mile.
Umjaho lo uzaqhutshwa enkundleni yeZimbabwe International Trade Fair ngoMgqibelo ekuseni.
Umjaho lo unxusa labo abalesiqubu sokuqeda ikhilomitha lengxenye ngesikhathi esingaphansi kwemizuzu emine.
UMpofu wenelise ukufinyelela isigaba sokucina somncintiswano lo ngoMvulo lapho aqede umkhankaso ngesikhathi se-4 minutes 31 seconds. Umgijimi lo uzahlangana lomncintiswano onzima kuntshantshu enguWellington Vaveri loBlessmore Chidziva labo abakhangelelwe ukuthi balwele isicoco esikhulu.
Abanye abakhangelelwe ukuthi banqobe nguMunyaradzi Zizhou, Mthokozisi Mhlanga, Nyasha Mutsetse, Levison Mapfuwa, Nomore Wiriki Trust Hove loGodwin Katakura.
Kumaviki amabili adluleyo abagijimi laba labanye badlule kumahlandla amanengi okuhlela abazagijima ku-final enkundleni yeWhite City koBulawayo.
Umgcinisihlalo wenhlanganiso yeBulawayo Athletics Board uWatson Madanyika ibikele iphephandaba likazulu ukuba umjaho walonyaka uzahlabusa. “NgoMgqibelo kulakho ukuthi sithole intshantshu entsha kuZITF Coca-Cola Four Minute Mile. Kulentshantshu zomdlalo zodwa. Senze konke okufaneleyo ukuze sifikise lelibanga,” kutsho uMadanyika.
uWatson Madanyika
Kulumncintiswano kugijima amadoda kuphela njalo ngomnyaka odluleyo owatshaya intambo kuqala kwakunguWellington Vaveri.