Uncategorized

Umphakathi ubulala inyanga uyitshise

04 Aug, 2022 - 00:08 0 Views
Umphakathi ubulala inyanga uyitshise

uMthunywa

IPHELE kabuhlungu ingxabano phakathi kwenyanga labomakhelwane bayo eMbhombeni, koKhoza, eShowe, eSouth Africa engenelwe ngamalunga omphakathi ayigeca ngocelemba, bephathisa umakhelwane, qede isidumbu sayo satshiswa ngomlilo.

Kubikwa ukuthi lesi sehlakalo senzeke ngoLwesibili ebusuku kulandela ingxabano equbuke phakathi kwenyanga uMnumzana Sabelo Tysen Magwaza (35) lomakhelwane wayo.

Intatheli ithole ukuthi ingxabano iqale ngokuhilizisana ngamazwi phakathi kwalaba, okuthe kusenjalo umufi wabe esedonsa ucelemba walimaza umakhelwane, qede kwangenela amalunga omphakathi esiza umakhelwane, ageca abulala uMnu Magwazwa, watshona, isidumbu sakhe asitshisa.

Umthombo wephephandaba okuleyondawo, uveze ukuthi amanye amalunga omphakathi abelakho ukusola uMnu Magwaza, ngokufa kwenye intombazane endaweni.

Kubikwa ukuthi umufi, uke wabotshwa phambilini mayelana lakho ukutshona kwalintombazana, kodwa wabuye wadedelwa.

Lokho umthombo uthi akwehlanga kahle kwamanye amalunga omphakathi okwenze uMnu Magwaza, waba yinyama emphakathini.

“Kuthe sekuhwalele ngezwa abanye omakhelwane bebanga umsindo bekhuluma bethi kutshaywa uSabelo ngezansi.

Ngaphuma lami ngifuna ukubona ukuthi kwenzakalani.

Ngifike sekuvutha umlilo esevele etshonile engasabonakali lokuthi ungubani.

“Ngokutsho kwabantu, uxabane lomakhelwane ngayo lindaba, ekhulunywa ngabantu abamsola ngayo ukuthi wayenza.

Utshele umakhelwane wakhe ukuthi kaphume ezindabeni zakhe.

Indaba iqale lapho babe sebexabana loMnu Magwaza, wamgeca umakhelwane wakhe walimala.

Lokhu kuwacasulile amalunga omphakathi, abe esemngenela laye amgeca abanye bamgwaza, wabe esethungelwa ngomlilo, watshona” kutsho umthombo.

Kubikwa okunye obekucasula umphakathi, yikuthi uma umufi exabana lomuntu, ubejwayele ukwesabisa ngokuthi athi uzomenza njengale ntombazane eyatshonayo, obekusolwa yena ukuthi uyathinteka ekufeni kwayo.

INkosi Zwelombango Khoza, ithe izwile ngalesi sehlakalo kodwa isalinde umbiko opheleleyo ngokwenzakeleyo. – Ilanga

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds