uMthunywa
Thokozile Mbedzi
KULOMNTWANA oleminyaka emibili wesiqintini seMushipe eChartsworth eMasvingo ofe ngemva kokuwela phakathi komgodi wamanzi edlala.
UTafadzwa Mapfumo (2) kubikwa watshiywa ngunina uMakayita Gumindoga oleminyaka engu-32, ohlala ngaphansi kwenduna uSerima mhlaka 29 Mpalakazi esiya esivandeni edlala labafowabo oleminyaka engu-10 lole ngu-6.
Kubikwa abanye bathi belibele uTafadzwa waya emgodini waqala ukudlalela phezulu kwezenge elivale umgodi. Khonokho izenge lelo lahlephuka wawela phakathi komgodi.
Abafowabo bezwa umnawabo esehlaba umkhosi bagijima bayakhangela bamfica evele esewele phakathi komgodi otshona okwamamitha angu-30.
Ekhuluma lentatheli kaMthunywa oyisikhulumi samapholisa eMasvingo, ulnspector Kudakwashe Dewa uqinisekise ngesehlakalo lesi.
“Abantwana laba bebona umnawabo esewele emgodini bagijima bayabikela umalumabo uCalvin Mafike owenelisa ukukhipha umntwana lo kodwa ngokusweleka kwenhlanhla wayevele esedlule emhlabeni.
Udaba lolu lwabikelwa amapholisa isidumbu sasiwa emotsha.
“Sithanda ukuxwayisa uzulu ukuthi abone ukuba imigodi yamanzi iyavalwa okuzwayo ukuze abantwana bangabi sengozini,” kuphetha ulnsp Dhewa.
