U CONNIE Chiume ongumlingisi omkhulu wakweleSouth Africa owabonakala kumdlalo uBlack Panther leminye eyehlukeneyo kasekho.
UConnie udlule emhlabeni eleminyaka engu-72 esibhedlela seGarden City Hospital eGoli ngoLwesibili.
Kusitatimede esikhitshwe ngabemuli — esisabalale ezinkundleni zokuxhumana — umlingisi lo utshonele eGoli. Umdeni ucele ukunikwa ithuba lokuzila kulesi sikhathi esinzima obhekene laso, njalo wazise ukuthi uzakhipha imbiko ngomngcwabo ngesikhathi esifaneleyo.
UConnie uzokhumbuleka emidlalweni okubalwa kuyo Inkomo Edla Yodwa, edlala indawo kaThembi — okwakudlala phambili kuyo uHenry Cele (ongasekho), enguSaul Gumede — Rhythm City, Zone 14, Yizo Yizo, Ring of Lies, Queen Sono, Gomora loBlack Panther.
