Omele umongameli webandla le MDC-T uManjinela Elias Mudzuri, ubike ngokwedlula emhlabeni kuka Tsvangirai obesesibhedlela kwele South Africa kumizuzu emilutshwane esanda kwedlula.
UMudzuri wethule lumbiko kunkundla yokuxhumana iTwitter.
“Njengoba lonke lisazi ukuthi umkhokheli we MDC-T uDokotela Morgan Tsvangirai ubengezwa kuhle okwesikhathi eside, ngilusizi ukuthi ngilibikele ukuthi silahlekelwe liqhawe lethu ebelilwela amalungelo oluntu. Ngithanda ukuthi sazise abemuli, ibandla, kanye lesizwe sonke jikelele ukuthi siyalikhumbula kumithandazo yonke ngalesi sikhathi esilukhuni,” kutsho uMudzuri.
UMnu Tsvangirai ubeselesikhathi elwisana lemvukuzane.
Ubeleminyaka yokuzalwa engu-65