YiNtatheli kaMthunywa
IBHANGA leZB Holdings likhangelelwe ukuqhuba umncintiswano wokugijima owe- half marathon koBulawayo ekupheleni kwalinyanga.
Umjaho we-21.1KM lo wasungulwa edolobheni leHarare ngomnyaka odluleyo njalo kubikwa ukuthi umjaho wakoBulawayo uzakuba mhlaka 22 Mpandula.
Abaqoqi bomncintiswano bazise ukuthi kuzagijinywa lomango we-10KM le5KM kusukwa enkundleni yiBulawayo Athletic Club.
Labo abafuna ukugijima bazabhadala iUS$20 ngokubika komgcinisihlalo weBulawayo Athletics Board uWatson Madanyika.
i $20
Kusenjalo, inhlanganiso yiBulawayo Athletics Board ithe isilungiselelo lomncintiswano weWhite City Stars Academy ohlelwe ukuqhutshwa mhlaka 16 Mfunfu.
Kuzanciswana ku100m, 110m hurdles, 200m, 400m, 400m hurdles, 800m, 1 500m, 3 000m, 5 000m, 4x100m relay, 4x400m relay, long jump, triple jump, high jump, javelin, shot put, le-discus.
Imbhadalo yokuphatheka kulimncintiswano yi-US$ 3 kuma-relay, US$2 abadala leUS$1 kwabasakhulayo. Umncintiswano weWhite City Stars Academy lo usuthole usekelo oluvela kuNdabazihle Mdhlongwa olodumo okubamba irekhodi le-triple jump. Olunye usekelo lwavelo kunhlanganiso yeAfrica Children’s Hope Foundation.
Inkampani ye-Econet layo isike yasekela ngokunika abagijimayo izikipa lenye impahla. Umjaho wakuqala waqhutshwa ngo-2021 lapho okwaba labantu abangu-100 abavela kuzabelo zaBulawayo, Matabeleland North, laseMatabeleland South.
