Ethel Ncube
KULENDODA yeShanangura eZvishavane emiswe emthethwandaba wakule indawo isetheswa icala lokutshaya umakhelwane wayo imethesa icala lokuloya umntanayo ogulayo.
Umsolwa uPatson Moyo oleminyaka engu-50 yokuzalwa kubikwa kuviki ephelileyo uqonde emzini kamakhelwane wakhe uMnumzana Micho Mapolisa oleminyaka engu-71, ehamba lendodana yakhe wafika wambhaxabula ethi uloya umntanakhe ogulayo.
Umtshutshisi ubikele umantshi ukuthi uMoyo wafika wabhaxabula uMapolisa emzimbeni kunye lasesifubeni ngodondolo esifubeni.
Umantshi uMnumzana Archie Wochiunga uthe umsolwa uzabe esentolongweni kuze kufike umhlaka 23 Mpandula elindele ukuzothonisiswa.