uMthunywa
UKUPHAKAMA kwenguqu yakuleli kugxile kusekelo lwethalenta kubadlali abasakhulayo, nanko iZifa isikhethe uKenneth Mhlophe ukuthi akhokhele iqula elizasungula ukuvuselelwa kengatsha zenguqu yabasakhulayo.
uFelton Kamambo
UMhlophe ophinda abelilunga lebhodi yeZIFA uphathiswe umsebenzi wokuba ngumgcinisihlalo wekhomithi yenhlanganiso le ekhangelane lenguquko ekhangelelwe ukusungula ukubuthwa kutsha kanye lokuvuselela inhlanganiso zabasakhulayo kuqembu lesizwe.
Usibalukhulu weZifa uXolisani Gwesela ubhalele uMhlophe incwadi emazisa ukuthi uzakuba ngumgcinisihlalo wekhomithi le isungulwe kulandelwa isisekelo sombuso weZifa.
Xolisani Gwesela
Lokhu kuza kulandela ngesikhathi uMhlophe efakwe kugatsha lwenkokheli yeZifa emhlanganweni wekhomithi ephezulu yalinhlanganiso le eHarare ngenyanga edluleyo. Usomabhizimusi wakoBulawayo lo wake wabangumgcinisihlalo weBosso njalo.
Wakhethwa kunkokheli zebhodi yeZifa eloMartin Kweza loAlois Masepe.
Kulandela ukuxotshwa kukamongameli weZifa uFelton Kamambo labanye abathathu amalunga ebhodi, uPhilemon Machana, Bryton Malandule kanye loStanley Chapeta, ngoMpalakazi, iZifa yanika uGift Banda isikhundla sobukhokheli loba i-FIFA igcizelela ukuthi kubuyiselwe uKamambo.
