Uncategorized

Umfundisi udlisa abantu inyama yenja

04 Jul, 2019 - 00:07 0 Views
Umfundisi udlisa abantu inyama yenja Umfundisi udlisa omunye umzalwane inyama yenja

uMthunywa

UPHAKAMISA inja efileyo ngokuziqhenya. Maduze nje izakhanzingwa linja ibisiphiwa abazalwane ukuthi bayidle. “Le bekuyinyama yenja kodwa khathesi isingcwele!” kutsho lumfundisi.

Umfundisi lo owaziwa ngelokuthi Veteran Peter webandla le The Heaven on Earth Centre Ministries elitholakala eMahikeng, eNorth West kwele South Africa wethuse abantu ngokudlisa abazalwane inyama yenja ngoLwesihlanu ngeviki ephelileyo.

Ikhasi lebandla leli kunkundla yokuxhumana iFacebook ligcwele izithombe zenja ehlinziweyo besokusiba lezabazalwane sebezitika ngayo linja.

Kukhasi leFacebook umfundisi uPeter ulobe wathi: “Nxa ungumntakaNkulunkulu uyadla kuphela. Ayikho into engakubulala, ungazidlela yiloba yini. Zidlele okufunayo mzalwane ungaqanjelwa amanga nguSathane.”

Ekhuluma leDaily Sun, umfundisi lo uvumile ukuthi udlise abazalwane inyama yenja.

“Yebo, bekuyinyama yenja. Akekho ofileyo. Bonke bathole ukusiliswa,” kutsho lumfundisi ngokuziqhenya.

Uthe bebejabulela umnyaka owodwa kusukela baqala ibandla. Inyama le ephekiweyo ibonakala kuzithombe iseduzane lewayini kanye le-grape juice lamakhekhe akhona njalo.

Umfundisi lo uthe abaholi bakhe nguMfundisi Penuel Mguni, owaziwa kakhulu ngesehlakalo sokudlisa abazalwane inyoka, loLesego Daniel, kumbe uMfundisi Daniel, owake wanathisa abazalwane amafutha emota.

Nxa ebuzwa ukuthi inja uyithethe ngaphi akazange aphendule umane wazithulela nje. Uthe sokumele ayetshumayela.

“Sokumele ngiyetshumayela. Ungithinte kusasa,” utsho njalo.

U-Inspector Meshack Matlou osebenzela inhlanganiso ebona ngokuphepha kwezinyamazana iSPCA uthe abazihluphi lakancane ngokuthi abazalwane badliswani kodwa bona bakhathazekile ngendlela inja le eyabulawa ngayo. Uthe inja le kufanele ukuthi yabulawa ngendlela eyisihluku.

“Sizadingisisa ukuthi inja le yafa njani. Singathola ukuthi yabulawa ngendlela ebuhlungu njalo eyisihluku sizakuthi ukuthatha amanyathelo okubophisa abayibulalayo.” — Daily Sun

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds