uMthunywa
UMPHAKATHI weShakaville, eDukuza, eSouth Africa uthukuthele uyaveva ngesenzo sozibiza ngokuthi ungumfowabo omncane weNkosi uJesu Khristu, uMphostoli uMthobisi Khuzwayo, osolwa ngokuphendula abafundi bezikolo zendawo izimbuqu zotshwala.
UMphostoli (25), osezibiza ngelokuthi Mphostoli Anasinyego (athe kutsho ukuthi Othembekileyo kaNkulunkulu), uzitshaya isifuba ngokwelapha abanye abafundi beTshelenkosi High labaseZiphozethu Primary amadimoni ngokubanathisa utshwala.
Amanye amalunga omphakathi athe sekuwame emphinjeni ukudakiswa kwezingane zabo ngotshwala yilenceku.
“Izingane seziseqa ukuya esikolo noma ziqube endleleni ngenxa yokuyazigxinxa ngotshwala kulelibandla,” kutsho leli lunga.
Umfowabo kaMthobisi, esiligodlileyo igama lakhe, uvumile ukuthi linkolo kaMphostoli Anasinyego isihlakaze phakathi umdeni.
“Yena lomama bakule nkolo yobuSathane kanti mina labanye ekhaya asihambisani lale nto.”
Uthe lasemdenini uMphostoli lonina abasanambithiseki nanko phela baze babizelwa emhlanganweni ngoLwesihlanu ukuba bahlukane lalenkolo.
“Kulamalunga omdeni asetshone ngendlela engaqondakaliyo selokhu bangena kulenkolo.
“Kulezithombe besehlathini, kudliwa inyama yezilwane ezingaqondakaliyo.
“Manje sebengenwe langumkhuba omubi wokunathisa izingane utshwala zigqoke amayunifomu esikolo.-Ubulembu
