Uncategorized

Umfundi ‘ugwaze’ isalukazi (70) safa

18 Jul, 2019 - 00:07 0 Views
Umfundi ‘ugwaze’  isalukazi (70) safa

uMthunywa

KUPHITHENE amakhanda emdenini wesalukazi okuthiwa sigwazwe sabulawa ngumfundi kaGrade 11 weKwasa High eBilanyoni, eDumbe ngoba esisola ngokumhleba lokuthakatha.

Lesi sigameko esitshiye umphakathi umangele, kuthiwa senzakale ngoLwesibili ebusuku lapho kuhlaselwe uNkosikazi Buyelaphi Lizbeth MaZwane Kunene (70) obezihlalela yedwa ku-C eBilanyoni.

Indodakazi kamufi, uNkkz Mthokozisi Kunene-Mpungose (48) ithe isadidekile ngendlela okubulewe ngesihluku ngayo unina futhi isazibuza ukuthi bekungeneni kumsolwa ngokuba athathe isinqumo esibuhlungu kangaka.

“Umama ubezihlalela yedwa ehola impentsheni. Lokho kwenzeke ngenxa yokuthi yimi kuphela ingane yakhe ngakho sengatshada futhi umuzi wami ukwenye indawo, yikho ebezihlalela yedwa ekhaya.

Lokho kungiphathe kubi engikubonile ukuthi umama abulawe ngesihluku esingaka.

Ubabakazi womfana owenze lo monakalo ufikile ekhaya ezolila wathi labo bafisa kwenzeke noma ngabe yini ngaye ngoba baphatheke kabi ngakwenzile,” kutsho uNkkz Kunene Mpungose.

Uthe kumanje umatasa wenza izinhlelo zomngcwabo ngoba uhlela ukuba unina amfihle ngoMgqibelo.

“Kumanje ikhanda lami liphithene ngoba ngibhekene lalesi simo kanye lezinhlelo zomngcwabo wakhe umama.

Okunye asazi ukuthi kuqhubekani ngoba lomsetshi ubengakasithinti mayelana lomsolwa kodwa yena ubotshiwe wavela enkantolo.

Inkinga asazi ukuthi enkantolo kuhambe kanjani,” kuchaza uNkkz Kunene-Mpungose.

Usodolobho weDumbe, uMnumzana Majuba Mavuso ezifikele mathupha emdenini, ithe ayisazi ukuthi kungeneni endaweni yayo ngoba lesi sigameko silandela ezinye ezitshaqisayo zabantu ababulewe.

“Sithole ukuthi uqale wasithuka isalukazi ethi asihlukane lokuhamba sikhuluma ngaye simhleba, wathi uzobuya azoqeda ngaso ngoba usekhathele ukuthi siyamhleba futhi siyamthakatha.

Ngaphandle kwalokho sithole lokuthi lo mfana ubengahlali lapha kodwa ufike ngoba ebaleke eMondlo lalapho okuthiwa ubeluhlupho khona wagcina esezohlala lobabakazi wakhe lapha eBilanyoni,” kutsho uMavuso.

UMavuso unxuse ukuthi umphakathi wehlise umoya kulesi sikhathi esinzima ukuze yonke imidenini ethintekayo ikwazi ukubhekana lesimo.

Okhulumela amapholisa eKZN, uColonel Thembeka Mbele, uthe umsolwa uvele izolo enkantolo ePaulpietersburg, icala lahlehliselwa isonto elizayo. Ugcinwe esitokisini.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds