Uncategorized

Umfana udlwengula usane

29 Sep, 2022 - 00:09 0 Views

uMthunywa

Ethel Ncube
KUDABA oluhlasimulisa umzimba kulojaha weMakokoba koBulawayo odlwengule usane oluleminyaka emibili yokuzalwa ngeviki ephelileyo.
Umetheswacala lo uhlala emzini munye lomntwana odlwenguliweyo kodwa abalabuhlobo.Umetheswacala uleminyaka engu-16 yokuzalwa.

Kuvele ukuba unina womntwana watshiya umntanakhe esebenzisa isambuzi sakhe umetheswacala emile bucwadlana nje.

Umama lo kubikwa wangena endlini ngemva kwesikhatshana umntwana wangena endlini ekhala ngapha ebambe isitho sakhe sangasese wakhala phose okwemizuzu elitshumi okwenza unina wakhathazeka andubana amkhangele wathola ukuthi umntwana ulimele ngasese.

uInspector Abednico Ncube

Inina leli kubikwa lalanda umfana lo elalimcabangela ukuthi nguye olimaze umntwana lambuza ukuba wenzeni umfana waphika wemba phansi.

Lokhu kwenza inina leli layabika emapholiseni okwabangela ukuthi umetheswacala abotshwe.
UMthunywa uxhumane lesikhulumi samapholisa koBulawayo uInspector Abednico Ncube obike ukuba udaba lolu lufikile endlebeni zakhe.

“Indaba enjalo siyamukele. Sithanda ukukhuthaza uzulu ukuba bengatshiyi abantwana bengela obakhangeleyo ngoba kunengi okungabehlela. Umntwana lo uhlala endlini ehlala abantu abayisikhombisa kukamelo linye, lokhu kuyingozi kakhulu njalo nxa abantu behleli ngale indlela abantwana balakho ukucina behlukunyezwa.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds