Uncategorized

Umfana (16) umithisa umnawakhe ongufomu-1

14 Sep, 2023 - 00:09 0 Views
Umfana (16) umithisa umnawakhe ongufomu-1

uMthunywa

Ethel Ncube

ZIMADOLONZIMA izakhamizi zeDobola ngaphansi kwenduna uDobola eBinga ngemva kokuba kuvele ukuba kulezelamani ezimitheseneyo kwenye imuli yesigaba lesi.

Lokhu kuvele kumaviki asanda kwedlula. Iphephandaba likazulu lizwe ukuba untombazana okufomu 1 esingasoze simqambe igama ngenhloso yokumvikela, usesusiwe ngekhaya ukuze bangahlali bonke lomnewabo ommithisileyo okufomu 4. Intatheli ixhumane lesinye isakhamuzi uMnumzana Joel Mudenda obike ukuba indaba le iyaphila kodwa kungani iyafihlwa.

“Okwenzakalayo ukuze indaba le idubuke yikuthi unina wabantwana laba wathola umntanakhe oyinkazana ongu-fomu 1 egqoke isudu yokuzalwa esendlini elala umnewabo ongufomu-4 ebusuku. Uthe esemtholile wambuza ukuba udingani wasemtshaya okwenza waveza ukuba uselesikhathi ehlangana lomnewabo emacansini. Kwahle kwavela khonapho njalo ukuthi umntwana lo usezithwele.

“Ngelanga elilandelayo kwabizwa izihlobo labomakhelwane indaba yahlalelwa phansi kwakhulunywa abantwana bakhuzwa ukuba bangaphindi abakwenzileyo. Oyinkazana usesusiwe ngekhaya. Lo ongumfana ukhona njalo uyafunda ngoba lonyaka kumele abhale imihloliso ye-Ordinary Level,” kubika uMnu Mudenda.

UMthunywa uxhumane lenduna yesigaba uDobola obike ukuba uthumele usobhuku kuleyomuli.

“Indaba le kimi abayilethanga ifike kimi isikhulunywa ngabantu. Esengikwenzile khathesi yikuthuma usobhuku ukuba ayocela abazali ukuze sihlale phansi sikhulume sizwe ukuba kuhamba njani,” kuphetha uDobola.

Share This:

Sponsored Links

Survey


We value your opinion! Take a moment to complete our survey

This will close in 20 seconds