uMthunywa
KUXHAPHAZELA izisu eziphathamandleni zeBarcelona ngemva kokuthi uLionel Messi etshele iqembu ukuthi usefuna ukulitshiya.
Abameli balumdlali we-Argentina ngokwe-AFP bathumelele iBarcelona isikhahlamezi lapho bebeveza khona intshisekelo kaMessi yokutshiya esebenzisa imibandela ethile.
Udaba lukaMessi lunyikinye abantu abanengi emhlabeni kwazise alikho elinye aseke alidlalela ngaphandle kweBarca.
IBarcelona imi ekutheni umbandela afuna ukuwusebenzisa ukutshiya, uphele ngoNhlangula kanti inkontileka yakhe njengamanje iphela ngo-2021.
“Eqinisweni umbandela enkontilekeni yakhe uphele ngoNhlangula, lokho yisimo esingajwayelekile sale sizini ephazanyiswe yi-coronavirus ivulele uMessi intuba yokucela ukukhululwa enkontilekeni yakhe,’’ kubhala iphephandaba leSpain, iMarca. — Ubulembu.
