Umdlali weBosso unxuswa ku-Orlando Pirates

20 Mar, 2023 - 14:03 0 Views
Umdlali weBosso unxuswa ku-Orlando Pirates Prince Ndlovu

uMthunywa

Ricky Zililo

UMDLALI weqembu lenguqu ele-Highlanders, uPrince Ndlovu, oleminyaka elitshumi lasikhombisa yokuzalwa, unxuswe ukuyalolonga ngaphansi kweqembu le-Orlando Pirates okwamalanga ayisikhombisa.

UNdlovu usephiwe ithuba elitsha lokuzitshengisela kuMabhakaniya ngemva kokwehluleka ukuyazama inhlanhla kuqembu leCroatia i-HNK Vukovar1991 ngenyanga edluleyo.

Ekhuluma ngemva komdlalo weBosso leZPC Kariba ngeSonto, uNozibelo Maphosa, isikhulumi seHighlanders uqinisekise ngohambo lukaNdlovu esiya eSouth Africa.

“UPrince kumele ahambe lamuhla (izolo) ngendizamtshina yakusihlwa. Uzabe elolonga kusukela mhlaka 20 kusiya fika umhlaka 26 Mbimbitho,” kutsho uMaphosa.

UNdlovu uqale ukudlala kuqembu elikhulu leHighlanders ngoNtulikazi nyakenye ngemva kokukhutshulwa kuqembu labasakhulayo iBosso 90. Umdlali webhola lo ozalwa eMakokoba ngomunye wabadlali abenelise ukungena kuqembu elikhulu esuka kuBosso 90.

UNdlovu utshengise ukuthi ulethalenta emdlalweni wakhe wokuqala ngesikhathi engena esuka ebhentshini lapho adlala imizuzu embalwa besehlula iManica Diamonds nge 3-0.

Umdlalo lo wayefunda esikolo seMzilikazi High.

Ekhuluma ngomdlali lo, umqeqetshi weHighlanders uBaltemar Brito wathi: “Sisayinise umfana ngoba elethalenta. Ngijabule ngokuthi abanye abadlali bayamsekela.”

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds