Umculi ungena kuMiss Culture

18 Oct, 2018 - 00:10 0 Views
Umculi ungena kuMiss Culture USammy Eland Mpofu

uMthunywa

YiNtatheli kaMthunywa
UMCULI wegqomu odumileyo koBulawayo owazakala endaweni ezitshiyeneyo ngengoma ethi ‘‘Mnike Daddy’’ sekhethe ukuphatheka kumncintiswano kaMiss Culture ozakwenziwa mhlaka 24 Lwezi eHomestead House koBulwayo.

USammy Eland odume ngomculo we-gqom’ yena owahlanyisa uzulu ngengoma yakhe u‘‘Mnike Daddy’’ etshaywa kumisakazo yonke yelizwe uzamisana lamantombazana angamatshumi amabili kumncintiswano kaMiss Culture Bulawayo.

Ekhuluma loMthunywa uSammy Eland uveze ukujabula ngokuphatheka kuMiss Culture ngoba kube lithuba lakhe lokuziphakamisa.

“Ngiyathaba ukuphatheka kumcimbi lo ngoba lithuba lokuthi ngitshengise umhlaba ukuthi uSammy Eland Mpofu kasimculi kuphela kodwa uphiwe ezintweni ezinengi.

“Ithuba leli liyangijabulisa ngoba ukutayila ezikhathini ezinengi ngokwabantu abalemizimba emincane kodwa uMiss Culture unika lathi abondlekileyo ithuba lokuthi sitshengise umhlaba iziphiwo zethu. Lumcimbi awulabandlululo ngoba akukhethelike ukuthi ungakanani kungakho sengiziqhenya ngomzimba wami.

Umcimbi kaMiss Culture uqoqwe ngabe Miss Culture Trust ngenhloso yokuphakamisa abesifazane ukuba bazigqaje ngobuyibo babo kanye lokuthakazelela amasiko lemvelaphi yabo.

Ekhuluma loMthunywa uHector Chikowore ongomunye wabaqoqi balumkhosi uthe uMisss Culture usuleminyaka emithathu wasungulwa ngenhloso yokuphakamisa abesifazane ukuba bazigqaje ngamasiko kanye lemvelaphi yabo.

Ubuye wathi ozanqoba kuMiss Culture Bulawayo ozaqhubekela phambili ayencintisana labanye abakwezinye izigaba zelizwe ukuze kutholakale itshatshazi elizamela ilizwe leZimbabwe kuMiss Culture Global.

“Umncintswano kaMiss Culture uqoqeke kuhle sibili ukuze kutholakale isiqabhobho esizamela iZimbabwe kuMiss Culture Global. Inhloso yalo umncintiswano ngowokuthi kutholakale umuntu ozakwenelisa ukutshengisa umhlaba ngomdabuko wethu njalo langobuhle babantu beZimbabwe ngakho amantombazana la azaphatheka kulo umncintiswano siwafundisa izifundo ezinengi ngokuqakatheka kwamasiko njalo siyabafundisa ukuba ngabakhokheli,” kuphetha uChikowore.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds