Uncategorized

Umbono woMthunywa: Kayilondolozwe imbali yamaqhawe

15 Aug, 2019 - 00:08 0 Views
Umbono woMthunywa: Kayilondolozwe imbali yamaqhawe

uMthunywa

BEKUNGABIZWA ozwayo ngoMvulo ezabelweni zonke zelizwe. Abantu bebethe gwaqa enkundleni ezehlukeneyo bekhumbula lokuthakezelela impilo yamaqhawe eZimbabwe.

Ikhefu leli liqakathekile ngoba yisikhathi lapho usapho lweZimbabwe olutshengisa khona ukubonga kwalo kumaqhawe onke azinikela ukulwela inkululeko yeZimbabwe.

Kungenxa yokuzinikela kwamaqhawe lawo, aphilayo ledlulayo ukuthi lamhlanje uzulu azitike ngenkululeko ephuphumayo.
Ukuzinikela kwamaqhawe la kwaletha uzibuse owanikeza abansundu amandla apheleleyo phezu kwelizwe labokhokho lona elalithunjwe ngabezizwe nanko phela ayisekho imigoqo ebikhona izolo. Azisekho izitalada ezihamba abamhlophe kuphela ingabe indawo ezihlala bona bodwa.

Imithetho ehlukuluza abansundu layo ungayibona? Isililihlo lentwala njengoba bona abansundu sekuyibo abaphathintambo abenza leyo mithetho.

Imithetho ekhona lamhlanje igcizelela njalo ivikela imbali yamaqhawe akithi kanye lesizatho abasingenela amahlathi, ukukhululeka kosapho lweZimbabwe.

Esikhathini esinengi, abantu bandise ukucabanga ukuthi amaqhawe yilabo abalele kuma-heroes acre kuphela. Lokhu akusiqiniso ngoba akhona amanye amaqhawe asebenza kakhulu ngesikhathi senkululeko njengoba beyibo ababesipha imibiko kubalweli benkululeko kanye lokubaphekela.

Kuqakathekile ukuthi usapho lweZimbabwe lungafani lenkukhu ezidla zisesulela phansi kodwa luwahloniphe amaqhawe ngokuzinikela ukuze bakhulule ilizwe ezandleni zabamhlophe.

Isizatho esimqoka esisibongela amaqhawe akithi yikubuyiselwa komhlabathi ezandleni zabensundu bakuleli. Ngemva kokuba amaqhawe esekhulule iZimbabwe, umhlabathi wabiwa kutsha. Inengi labansundu laphiwa amapulazi nguHulumende ngakho selisenelisa ukuzilimela ukuze liziphilise. Ngaphambi kokukhululwa kwelizwe bekungela muntu onsundu obelepulazi njalo inengi lalihlaliswe endaweni ezingamahlabathi kwathi bona abahuquluzi bomnotho bazabela imihlabathi evundileyo.

Kungumbono woMthunywa ukuthi izizalwane zonke zeZimbabwe zisebenzelane ukuze kulondolozwe, kuhlonitshwe njalo imbali yamaqhawe enkululeko. Kuqakathekile njalo ukuthi kuhlonitshwe lala amaqhawe asaphila kanye labo bonke abantu abaphatheka empini yenkululeko ngoba labo bangamaqhawe esizwe.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds