UMajaha uphakamisa uPasuwa

13 Jun, 2024 - 00:06 0 Views
UMajaha uphakamisa uPasuwa

uMthunywa

(+Pic, video)

UMQEQETSHi obona ngezokuqinisa abadlali imizimba, uMajaha Ndlovu, osejoyine iBlack Leopards ubika ukuba ulenhlonipho enkulu kuCallisto Pasuwa.

UPasuwa ngumqeqetshi weNyasa Bullets eMalawi. UNdlovu wasebenza engaphansi kwalumqeqetshi okwesikhathi eside. Kungxoxo abelelayo leZimpapers Sports Hub kuliviki, uNdlovu ukhulume ngokusebenza kwakhe labaqeqetshi emaqenjini amanengi, kodwa phakathi kwabo bonke, uqambe, waphakamisa uPasuwa.

Kuqembu leBlack Leopars, uNdlovu uthole isivumelwano seminyaka emibili. Ithimu le idlala kuligi ka-Division One eSouth Africa.

Elolonga eNyasa Bulllets loPasuwa, uNdlovu wenelisa ukuthwala izicoco, iqembu libutha konke. Ubike ngokuthokoza ekutholeni kwakhe umsebenzi.

“Kangilamakhetho kumbe ukudelele abanye abaqeqetshi kodwa, kumele kube nguPasuwa. Sisebenza sonke okweminyaka efika isikhombisa,” kutsho uNdlovu.

UNdlovu uphinde wasebenza leqembu leHighlanders elanqoba iMbada Diamonds Cup engaphansi kukamqeqetshi uKelvin Kaindu kunye lesicoco seligi loLloyd Chitembwe kuCAPS United.

Utshele iZimpapers Sports Hub ukuthi uzaphuthelwa yikubona imidlalo yakuleli kunye lokuhlangana labasekeli bakhe kuNyasa Bullets yeMalawi.

Kazange akufihle njalo ukuthi uzakhumbula labalandeli beqembu elisekelwa kakhulu kuleli eleHighlanders.

Njengoba esethole umsebenzi kuBlack Leopards, uthe useyibheke ngabomvu ingqobe ngakho uselungiselela, esalinde ukuqala kwesizini entsha.

Isiphetho…

 

 

 

Share This:

Sponsored Links

Survey


We value your opinion! Take a moment to complete our survey

This will close in 20 seconds