uMthunywa
YiNtatheli kaMthunywa
AKUBIZWA ozwayo kulimpelaviki kumcimbi wokuzithokozisa oqoqwe yiBulawayo Social Soccer League (BSSL), ngenhloso yokuphakamisa inhlelo zomdlalo wenguqu yokuzilibazisa.
Umcimbi lo, obizwe ngokuthi “umabhija” uzaqhutshelwa eMegalo elokitshini elidala ePelandaba, lapho okuzadibana khona abathandi bobunandi, umculo lokudla kudingwa imali yokuthenga impahla ethile ezancedisa ekuthini imidlalo yenguqu yokuzilibazisa iqhutshwe ngemfanelo.
Inhlanganiso yeBSSL, elamaqembu phose kuwo wonke amalokitshi, ikhethe ukuthi inxuse abalandeli bomdlalo wenguqu labo bonke abafisa ukuncedisa.
Kumbiko wayo, iBSSL, abantu bazabuthana kungela mdlalo ukuze bakhulule ingqondo, ngesikhathi sinye bephathisa umdlalo wenguqu. Umbuthano lo uzaqala ngehola lakuqala emini njalo uzaqhutshwa okwamalanga amabili. Kubikwa umcimbi wakuqala wawumhlaka 22 Mabasa.
Omunye wabaqoqi bomcimbi u-Adolf Bhebhe uthe sebelungiselele baphelela ukunxusa umphakathi.
“Ngaphandle kwemidlalo yenguqu kuyabe kuleminye imidlalo eminengi yokuthokozisa abantu. Kuzabe kukhona okunathwayo okubalisela okubabayo, amanamunede kunye letshisanyama,” kutsho uBhebhe.
“Sikhangelele usuku lwethu ngentshukuntsho lokuthaba okuphezulu. Abantu abaze ukuzosixhasa bekhangelele ukuzokholisa behlanganela labangane babo, bengekho kumdlalo wenguqu. Sithi wozani lizotshaywa ngumoya.”
UBhebhe uthe okuqakathekileyo yikuphakamisa imidlalo yenguqu.
“Isiqokoqela sendaba siyikuzoxhasa iBSSL kumkhosi wokuzama ukuzithuthukisa umdlalo. Sithi woza labangane bakho ukholise.”
