ULIMI LOMUMO: IZENZO EZIDALA ISIMILO SOMUNTU

09 Dec, 2021 - 00:12 0 Views
ULIMI LOMUMO: IZENZO EZIDALA ISIMILO SOMUNTU

uMthunywa

Sikhumbuzo Dabengwa
Siyalemukela bafundi kule iviki. Siyahlangana njalo kundaba zokwakha ubuntu bethu ngokusebenzisa ulimi oluqondileyo kanye lokuhlolisisa umumo ohambelana lesehlakalo okuso.

Kule iviki sizabuyela emuva sisiyaxhuma lapho esatshiyela khona inkulumo mayelana lezenzo zabantu abathile.

Lezizenzo zingaba ngezinhle kumbe zibe ngezimbi ezidinga ukuqondiswa. Ekucineni izenzo lezi zicina seziyisimilo salo umuntu olaleso senzo. Asikhangeleni izenzo ezilandelayo eziphetha ngesimilo esithile.

UMHAWU/ UMHOBHOLO

Umhawu yisenzo esingelabo ubuntu obuthandekayo ebantwini.

Uyini wona umhawu? Umhawu yikuba lemizwa yobuhlungu obuba khona ngaphakathi komuntu enhliziyweni yakhe ngenxa yokuhawukela okuhle okwehlele omunye.

Ubuhlungu lobu buba khona enhliziyweni ikakhulu kusenza inhliziyo ibe bomvu njengegazi ngokuzondela okuhle okwehlele omunye.

Imvama umuntu oba lomhawu uyehluleka ukuzibamba. Uphumisa imizwa yenzondo ngesehlakalo esithile esihle esehlele omunye yena ithuba lakhe lingakafiki lokuzuza okufanayo kumbe okwehlukene lalokho.

Imvama usuke atshekise inkulumo okwenza lakhuluma laye alimuke ukuba kukhona okukhona kulumuntu. Asikhangeleni izehlakalo ezilandelayo siphendule imibuzo evukayo.

USihle uthengelwe umakhalekhukhwini otshisa phansi ngudadewabo osemazweni kulandela izixwayiso zababalisi ezokuba abafundi bafunde besebenzisa ubulembu.

Kambe yiyiphi indlela umngane kaSihle, uThando angatshengisa ngayo ukuba uyemukela isipho somngane wakhe kuhle kungelamhawu.

Thando: Waze wabamuhle umakhalekhukhwini bantu. Ngubani lo okuthanda kangaka mngane wami?

Thando: Bamba kuhle umakhalekhukhwini lowo, uyamqabuka yini?Lathi abethu babebahle kodwa kuyadlula lokho kungene abanye.

Umhawu mubi bafundi, asiwenqabeleni ngokuba lothando lomusa. Khona ukuzuza kutshiyene kanti njalo abadala babethi iminwe ayilingani.

ISANDLA/UBUSELA

Umuntu olesandla ngonjani? Lo ngumuntu othatha izinto zabanye engaphiwanga imvumo. Impahla zingaba ncinyane kumbe zibenkulu.

Okuvamileyo yikuba uqala ethatha okuncinyane nje acine esesedlula abesetshontsha okukhulu. Nansi isehlakalo esithatha indawo esikolo kubafundi ababili.

Nangu uJohn ungena kuviyo labo athole endaweni yomngane wakhe kusele isikhwama esigcwele nswi izingwalo.

Nxa ethi uyakhangelisisa uthola ukuba izingwalo zomngane wakhe yilezi ezinkulu ezilamakhasi amanengi yeka.

Nangu uJohn engenwa ngumoya wezikhova, ethatha izingwalo ezingelakubhalelwa zize zibentathu. Ukuthi wazitshwathika ngaphi kwazi ophezulu.

Ngokuphazima kwelihlo umngane kaJohn uba ngosebongolela ekhalela izingwalo zakhe esezicatshile zona zibiza kangaka.

Ngokuba lesandla uJohn uphika embe phansi nxa ebuzwa ngababalisi ngaloludaba belo eficakale eyedwa kuleliviyo.Ubusela yinto embi bafundi.

Asizameni ukuba sixekelane lakho ngezikhathi zonke ngoba butshiya abanye bephakathi kwezinyembezi sebelahlekelwe zimpahla zabo ezingaba yimali kumbe okunye.

Asihlanganeni kwelizayo bafundi abahle.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds