Ulimi lomumo

31 Dec, 2020 - 00:12 0 Views
Ulimi lomumo

uMthunywa

Sikhumbuzo Dabengwa
Siyahlangana njalo kule iviki bafundi kuzifundo zethu zenkulumo yomumo. Kuqakathekile-ke ukuba sike sikhumbuzane ngamanye amagama esingahlangana lawo ezifundweni zethu kanye lemihlolisweni yethu, asibali ekuphileni kwethu.

Sithethe isibanga eside sifundisana ngamasiko ayiwo akhokhelela ekwakheni ubuntu bethu. Lamuhla sizathatha ithuba lokuba sibuzane kancane ukuze sibone ukuba siyazilandela lezizifundo.

Asixoxisaneni, sibuze kwabaphambili ukuze basiklekle indlebe kulokhu esingakwaziyo kanye lalapho esisilela khona. Asikhumbule ukuba amanye amagama sike sawaphatha kuyonale inkundla phambilini.

Uthini othi:
1. Mathonzi!
2. Ngcingci kaNdoyi!
3. Malamu!
4. Lilale!
5. Lisale!
6. Langalezo!
7. Amhlophe!
8. Basebenzi!
9. Lingasiboni amabhetshu, singabakini!
10. Toko!

Chaza okwenziwa lapha.
1. Ukuvela kwejaha.
2. Ukuvalelisa kwentombi.
3. Ukucolwa kwentombi.
4. Ukuphehlela isithundu.
5. Ukulaya.
6. Ukuqobodisa.
7. Ukumekeza.
8. Ukuyabika isisu.

Sizakuma lapha lamuhla bafundi. Ngilethemba ukuba sizadinga amanye amagama esiNtwini azasiqhaqha ingqondo.

Asibe lesivivinyo sethu-ke kule iviki, sikhumbule ukuba akwaziwa okwanonisa ingulube, siyakudinga ukuba siphindele emuva.-Kulotshwe nguNkosikazi Sikhumbuzo Dabengwa.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds