Ulakho ukuyikhutha iChibuku Super uRahman

02 Dec, 2021 - 00:12 0 Views
Ulakho ukuyikhutha iChibuku Super uRahman

uMthunywa

Nkosilathi Sibanda
BALOKHE behlaselwa yikulimala abadlali bakaNorman Mapeza, okuyikhona osekukhathaze lumqeqetshi andubana iqembu lakhe lidlale kumdlalo wokucina kuChibuku Super Cup.

IFC Platinum idibana leNgezi Platinum kulumdlalo ozaqhutshelwa enkundleni yeMandava ngoMgqibelo. Iqembu elizanqoba lizaphiwa i-US$75 000 lethuba lokuthi liyemela isizwe kumncintiswano we-Caf Confederations Cup.

UMapeza ubikele iphephandaba likazulu ukuba omunye wabadlali abathenjiweyo uRahman Kutsanzira usahlolwa ngodokotela kodwa okumhlupha kakhulu yikuthi sekusele isikhathi esincinyane ukuze abelesiqiniseko sokuqina kweqembu lakhe.

Ngeviki edluleyo  abadlali ababalisa uKelvin Mazinga  loLawrence Mhlanga bagijinyiselwa kubodokotela kulandela ukulimala besemdlalweni weligi leChicken Inn. Ukunqoba umdlalo lo nge 2-1 kwavuselela umdladla kuFC Platinum wokuthi iqhubeke isenza okufanayo isondelela inkezo yeChibuku Super Cup.

Nxa ekhangele isimo seqembu lakhe, uMapeza ubika ukuba usebunzimeni. “Ngilethemba lokuthi bonke bazaphenduka emdlalweni ngokuphangisa ngoba bathenjiwe. Umdlalo lo yi-final ngakho i-final kumele siyinqobe,” kutsho lumqeqetshi ngoLwesibili emini.

Loba ekhala ngabadlali laba, uMapeza uzenelisa ukuthi avale isikhala ngabadlali ababalisa uGift Bello, Donald Dzvinyai, loEvidence Tendayi.

Share This:

Sponsored Links