UKwinji 15 usefunda futhi

21 Feb, 2019 - 00:02 0 Views
UKwinji 15 usefunda futhi USithethelelwe ‘‘Kwinji 15’’ Sibanda

uMthunywa

Nkosilathi Sibanda
UMQEQETSHI wamaMighty Warriors uSithethelelwe ‘‘Kwinji 15’’ Sibanda kubikwa useqhubekela phambili ngokuthapha ulwazi kwezokuqeqetsha inguqu.

USibanda, ngokutsho kwenhlanganiso yeZimbabwe Football Association, uzangena ezifundweni engaphansi kukamqeqetshi kuzwa othunyelwe yinhlanganiso yeFifa uPia Sunhage.

USunhage, odabuka kwele-Switzerland uza kuleli esekelwa luhlelo lwe Fifa Coach Mentorship Programme.

Umqeqetshi wamaMighty Warriors loSunhage baqala loluhlelo kusukela ngoMfumfu ngomnyaka odluleyo.

Uhlelo lweFifa lolu kubikwa luzatshiya uSibanda eselolwazi olujulisileyo okuzamfaka emqongweni kubaqeqetshi bonke.

USunhage ngumhlonitshwa kunobhutshuzwayo ngemva kokunqoba amaOlympics kabili eqeqetsha isizwe seMelika ngo2008 lango 2012. Lumqeqetshi waphinda njalo wafikisa iSweden ku-final ngo-2011.

USibanda usefunde ukwedlula abanye abaqeqetshi abangela zithupha ezaneleyo.

Usengumqeqetshi wakuqala wesifazane ophethe isithupha saphezulu kumbali kanobhutshuzwayo eZimbabwe. Ngomnyaka ka2016, umqeqetshi lo wathola isithupha seCaf.

Kumasizini edluleyo uSibanda ubengumsekeli kamqeqetshi weTsholotsho FC, umsebenzi awenza kakuhle engelakwesaba.

Ekhuluma lentatheli kulandela ukuqhubeka kwakhe ethapha ulwazi kuSunhage, uSibanda uthe ulethemba lokuthi usezakhulisa ingqondo, abekusimo esingcono sokwabela abadlali bakhe ulwazi oluzatshintsha indlela abadlala ngayo.

“Ngiqhubekela phambili ngemfundo yami, ngiloPia Sunhage. Ngibonga inkokheli zenguqu ngokunginikeza ithuba lokuthi ngiqhubekele phambili kuhlelo lweFifa Coach Mentorship Programme.

“Ngakhuluma kudala ngisaqeqetsha iTsholotsho ukuthi umsebenzi wokuqeqetsha awudingi ukuthi kuqhatshwe indoda kuphela. Lathi abesifazane siyenelisa.”

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds