Ukwakhiwa kwezivumelwano zesiphawulo

28 Mar, 2019 - 00:03 0 Views
Ukwakhiwa kwezivumelwano zesiphawulo

uMthunywa

IZIVUMELWANO zesiphawulo sizakha ngokuqalisa ngesakhi sokuchasisa u a- eziqalweni zamabizo.

Isakhi a- silumbana lonkamisa wakuqala wesiqalo sebizo (ngaphandle kokhulumayo lokukhulunywa laye) kanje:

Kusigaba 1 isakhi a- silumbana lonkamisa wakuqala wesiqalo sebizo u(mu-), Sithole isivumelwano sesiphawulo omu-.

Isakhi a- nxa silumbana lonkamisa wakuqala webizo u u- sithola u o-.

Kuyafana lanxa isiqalo sebizo singu(um-), isakhi a silumbana lonkamisa-u wesiqalo sebizo. Sithole u-o.

Kusigaba 2 isakhi a silumbana lonkamisa wakuqala wesiqalo sebizo a(ba).

Isivumelwano sesiphawulo sibangu aba-.

Nxa isakhi a silumbana lonkamisa wakuqala wesiqalo sebizo aba- sithola u-a.

Kisigaba 5 isakhi a silumbana lonkamisa wakuqala wesiqalo sebizo i(li-) Sithole isivumelwano sesiphawulo eli-. Isakhi a nxa silumbana lonkamisa wakuqala wesiqalo sebizo (i) sithola u-e.

Kusigaba 6 njengakusigaba 2, isakhi sokuchasisa a silumbana lonkamisa wakuqala wesiqalo sebizo a(ma-) Sithole isivumelwano sesiphawulo ama-.

Isakhi sokuchasisa a nxa silumbana lonkamisa a wesiqalo sebizo sithola  u-a.

Kusigaba 8 isakhi sokuchasisa a silumbana lonkamisa wakuqala wesiqalo sebizo i(zi-), sithole isivumelwano sesiphawulo ezi-.

Isakhi sokuchasisa a silumbana lonkamisa wakuqala wesiqalo sebizo i(zi-) Sithole u-e.

Kusigaba 14 isakhi sokuchasisa a silumbana lonkamisa wakuqala wesiqalo sebizo u(bu-), Sithole isivumelwano sesiphawulo obu-.

Isakhi sokuchasisa a nxa silumbana lonkamisa u wesiqalo sebizo sithola u-o.

Kuviki ezayo sizatshengisa ukusetshenziswa kwesiphawulo emitshweni.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds