Siyasetshenziswa emitshweni simele ibizo eliyinhloko. Izibonelo: UZinhle utshaya inja. Inja itshaywa nguZodwa. Ubaba usenga inkomo. Yinkomo esengwa ngubaba. Emtshweni (iI) lo (iv) ibizo eliyinhloko limelwe isibanjalo. Izibanjalo zingasetshenziswa zibe yimitshwana ebalulayo kanje: Umfana oyindoda ubonakala ngezenzo. Iqiniso eliyilo lizabonakala. Indoda eyiyona iziveza ngemisebenzi.
Isibanjalo singasebenza lezakhi zokubuza u-phi lo –ni eziyiziqu zenani. Izibonelo: Yiwuphi ofikileyo? Ngumuthi muni ochithekileyo?
Izindlela zesibanjalo: Isenzo singaguquka kalula sisetshenziswe ngezindlela ezahlukeneyo, uma kusenziwa indlela zesenzo. Laso isibanjalo njengocezu olulandisayo emtshweni, silazo indlela ezahlukeneyo. Akulula ukusiguqula isibanjalo njengesenzo, isiqu sesenzo “hamba” singaba izindlela ezilandisayo.
Izibonelo: Ubaba uhamba yedwa – yindlela eqondisayo. Ubaba makahambe manje – yindlela eyamile/encikile. Ubaba engahamba yedwa – yindlela eyamandla. Qaphela: Isenzo “hamba” emtshweni (ii) siguqule unkamisa “a” waba ngu- e, ukwenza indlela eyamile. Emtshweni (iii) sigaxe insizasenzo u “nga” ukutshengisa indlela eyamandla.
Ekwakheni izindlela zesibanjalo kuyenzeka isibanjalo singaguquki lula, bese kusiba isingasenzo u “ba” othatha indlela leyo.
Izibonelo: Isibanjalo -yindoda angasetshenziswa ngendlela ezilandelayo: Umfana uba yindoda nxa esebenza nzima – yindlela eqondisayo. Umfana ubeyindoda ngokusebenza kanzima –yindlela eyamile/encikile. Sizaqala lapha kusibanga esizayo.
