uMthunywa
YiNtatheli kaMthunywa
Isikhathi sokulima
Lapho okulinywa ngokuthelezela njalo okungelangozi kangqwaqwane ungabalakho ukulima umnyaka wonke. Kodwa lapho okulamanzi angeneliyo ukufika ku-100mm kumele abalimi balime ngesikhathi izulu lingakaqalisi kumbe ngemva kwezulu lakuqala.
Umhlobo womhlabathi
Kudingakala ukuba umlimi abesemahlabathini kumbe aphakathi laphakathi kweyisidaka lamahlabathi.
Umhlabathi kumele ube ule-pH engange 5 kusiya ku-6,3
Lapho ipH isehla idlula u-5, kuyabe sekudingakala ukufaka umvundiso.
Ukulima
Imbambayila ilinywa embundwini ongaba yi-20cm kusiya ku-30cm ubude. Njalo izilimo zona kumele zitshiyelwe indawo engaba yi-20cm phakathi kwemfolo le-90cm phakathi laphakathi kwemifolo, kodwa kulabo abalezulu elilutshwane kudingakala ukwengezwa ububanzi.
Imbambayila ilakho ukuhlanyelwa emhlabathini oligceke kumbe lapho okulembundu.
Lapho lilima kumele ohlanyela ngakho kungene phansi kusale mbijana. Kumele uhlanyele ingathi itshekela eceleni ibe ku-45 degree angle ukuze uthole isivuno esiphezulu.
Ukulima ihekitha kudingakala izilimo ezingu-40 000 njalo okuhlanyelayo kumele kube yi-5 kusiya ku-7 nodes ubude.
