Ukukhuzwa kwabantwana izolo kanye lalamuhla

08 Sep, 2022 - 00:09 0 Views
Ukukhuzwa kwabantwana izolo kanye lalamuhla

uMthunywa

Sikhumbuzo Dabengwa
SIYAHLANGANA njalo bafundi enkundleni lapho esixoxa khona ezobuntu lokwakheka kwesimilo somuntu. Ubuntu buvela kumilayo esiyiphiwa emakhaya esingathi ngamaguma esikhulela kuwo. Kuqakathekile ukukhula ngaphansi komlayo othile wemuli ethile.

Umhlambi kazalusile, komachanca, kompunzi idla emini akukho loyedwa ongema athi wakhulela khona kwamlungela. Wonke umuntu ugiya ngekhaya elilomthetho lemfundiso egcweleyo eletha isimilo esiqotho hatshi umuntu kungelabuntu.

Wayekhuzwa njani umntwana? EsiNtwini umntwana wayengokaZulu wonke. Ukona komntwana oyedwa esigabeni abonakale wayekhuzwa yilowo muntu ombonayo kungabi ndabazalutho. Pho kambe lamhlanje kungenzakala lokho na?  Ake sixoxisane ngalokhu okulandelayo sitsho ukuba kusaqiniswa yini.

1)    ILIHLO.
Ilihlo laliyindlela yokukhuza eyayinhle kakhulu ngoba okhuza ngalo wayengavuli umlomo. Wayemane alisebenzise ngendlela ethile engajwayelekanga. Lowo olibonayo wayehle azi ukuba sekonakele. Silawo amabala akhomba ukusetshenziswa kwamehlo endaweni ezehlukeneyo. Amabala alandelayo ayesetshenziswa ekukhangeleni okulesisindo okwakusenza lowo okhangelweyo aguquke ekwenzeni lokhu akwenzayo ngokuphangisa.
a)    Jeqe.
b)    Klabe.
c)    Lwazi.
d)    Nhlo.
e)    Thala.Nxa sikhangela amabala la angaphezulu singathola ukuba asetshenziswa kumumo owehlukeneyo njalo kuzehlakalo ezilokona okungafananiyo izilinganiso zakho. Asixoxeni siveza ukuba kumumo munye ngamunye:
a)    Kuyabe sekutheni umzali ekukhangela ngendlela akukhangela ngayo ngaphezulu?
b)    Kungabe kusendaweni enjani lapho ekukhangela ngaleyo ndlela?
c)    Umumo ngamunye ngamunye uletha imizwa bani kulo okhangelweyo?
2)    USWAZI.
Uswazi lwalungenye yezindlela eyayisetshenziswa ekukhuzeni abantwana ekhaya. Babengatshayelwa ukubulala kodwa ukuveza ukuba isenzo esenzakeleyo sibi. Ophundliweyo wayengakhala zome izinyembezi angaphindi lowomkhutshana awenzileyo. Okhuziweyo lokhuzayo kwakusiba lobudlelwano obuhle ngoba kungatshayelwa kuhlukuluza kodwa ukwenqabela ekonakaleni kwesimilo somuntu. Asixoxisaneni ngokusetshenziswa kwale indlela bafundi. Singatsho

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds