uMthunywa
Ophezulu Stinta
Ugwalo: Wangithembisa lami
Umlobi: I. N Mpofu
SIQHUBEKA ngesahluko sethu sesihlanu lapho esihlangana khona loSolakele esethwele mambande esingakwaziyo ukuthi ngumthwalo ayezawethulelwa ngubani ngaluphi njalo uhlobo.
UMgoli-ke kadlalelwa ngaleyondlela, intombi-ke yayithi ingakhomba uMgoli ibe iziqalele okokhulu ngoba uMgoli kugugelwa kuye. UMlahlwa-ke wayesehlale kakhulu ekhaya lapha eseze wajujuka, kwaze kwaphela lempahla lezo ayebuye lazo kuleyo Goli, konke kwajujuka kwasala nje inhliziyo elolunya ayevele wakhula layo.
UMlahlwa-ke waqala ukuzula lezinkomponi, esengumdlali wamakhasi, waze wayalobela koBulawayo.
Emva ngapha uSolakele wasala elungiselela umtshado wakhe loNyembezi kwaphutsha nje kungela hlupho kodwa nje njengoba indaba zingalali phansi uMlahlwa wawuzwa umoya ngesikhathi ekoBulawayo wabuya eyisavunguzane.
Laye wayethenjisiwe intombi yayingeyakhe, isithembiso sasingephulwanga.
Sibona nje ngendlela aphendula ngayo lapho esizwa ukuthi uSolakele setshada loNyembezi, uphendula ngokweyisa okukhulu. Kusobala nje ukuthi wayezimisele ukubulala, wayezimisele ukuchitha igazi, elwela okungokwakhe.
Uphenduka nje ekhaya lapha uthola uSolakele esengumakoti wakoNyathi. Kwakungasekho okwakudala ukuthi wayengambona njengakudala, wayesengumama womuzi okukhangelelwe kuye ukuziphatha ngenhlonipho ephakemeyo.
UMlahlwa-ke waqala ukuzingela okwegola njengoba nje uNyembezi wayesebuyele emsebenzini, wayefuna nje ukuthi azizwele mathupha ukuthi izinto zahamba njani, achazelwe nguye umnikazi wendaba.
