Ukuhluzwa kwengwalo

20 Oct, 2022 - 00:10 0 Views
Ukuhluzwa kwengwalo

uMthunywa

Ugwalo: Indlalifa ngubani
Umdlalo owalotshwa ngu N S Sigogo

Siyaqhubeka ngogwalo lwethu oluqukethe umbuzo omkhulu, Indlalifa vele ngubani, isihloko sogwalo singumbuzo omkhulu.

Ngeviki edluleyo besixoxa ngamajaha amabili abekhanya ekhathazekile ngomfowabo obecaca ukuthi kazimiselanga ukubanika ngitsho lokukodwa lokhu okwatshiywa nguyise. Amajaha la amabili axoxa ngokukhathazeka kwawo, nguPhehlani kanye loLuphondo.

ULuphondo uyacacisa udaba lokuthi izalibelethwe lapha ekhaya nguye, bayabuzana-ke loPhehlane ukuthi kuthwa lizalibelethwe nje ngaliphi.

Uyachasisa udaba lwakhe ukuthi kwathi nje kuzwakala ukuthi ngakibo kanina wayesemula isisu somuntu ababengamfuni njengemuli, bahle baphuthuma bamupha uyise lo owayesebatshiyile.

Lapha-ke sinanzelela indlela izolo obekuphilwa ngayo, bekukhangelwa indoda ngenkomo zayo njalo langomuzi umuntu aphuma kiwo, ngokunye njalo okwadala ukuthi unina kaLuphondo abalekiselwe kwenye indoda loba nje wayevele esezithwele isisu somunye.

Nxa sesinanzelela ngeliye ilihlo, sicubungula kusobala ukuthi uLuphondo wayevele engazalwa lapha ekhaya, okwenzakalayo ngesiNtu bekuqakathekiswa ukuvala ihlazo kanye lokuthola inzuzo yemuli.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds