Ukuhluzwa kwengwalo

01 Sep, 2022 - 00:09 0 Views
Ukuhluzwa kwengwalo

uMthunywa

Wangithembisa lami: Olwalotshwa ngu I N Mpofu
SIQHUBEKA njalo sifunda izifundo ezitshiyeneyo kulolugwalo, oluyisibuko sempilo. Abathetheneyo, ngokunanzelela uNyembezi loSolakele bayaxwayiswa kumbe bayakhuthazwa ukuzama ngazo zonke indlela ukuthi bahlale ndawonye njengabantu abatshadileyo. Ukuhlala ndawonye kuyavikela njalo kwenqabela ingozi ezinengi kakhulu.

Aluba uNyembezi wayehlala lomkakhe kwakungasoze kubelula ukuthi ihlongandlebe elinguMlahlwa lihahabele umuzi wakhe, lizobuzisisa ngesithembiso esenziwa yena evele edliwe zindunduma zeGoli.

Ngokunanzelela ukuthi owesifazana wayengavikelekanga uMlahlwa wahle wabona intuba, njengoba sisitsho esabadala ukuthi impethu ingena ngenxeba. Kulezi nsuku-ke sinanzelela ukuthi abantu abatshadileyo behlukaniswa kakhulu yimisebenzi kanye lemfundo.

Aluba kukho konke lokhu bekungaba lendlela yokuhlala ndawonye kubanjwe lowo msebenzi kumbe lezo zifundo ababili bendawonye bekuzavikela okunengi. Indlela inde lapho abantu abadlula khona ngesigaba sempilo, abanye kabalalwazi ngezithembiso abazenzayo, abanye njalo kakulula njengaye uSolakele ukuthi baziveze lezo zithembiso, ziyasinda kazikhulumeki kubanzima-ke umuntu eseyedwa sekumele abindane lohlupho lwakhona kodwa-ke uba ngophephileyo nxa endawonye lomunye wakhe.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds