uMthunywa
Siqhubeka ngezifundo zethu esizithola egwalweni lwesithembiso.Lapho esifunda khona izifundo ezinengi ngempilo. Kuyisifundo esimqoka kakhulu ukunanzelela abangane esiphila labo empilweni kumbe nje sithi kuqakathekile ngendlela emangalisayo ukukhetha abangane abaqotho empilweni
.Abangane bethu yibo abantu abaseduze lathi njalo abenelisa ukusiqondisa kanye lokusixwayisa nje jikelele ngendlela yokuziphatha eqondileyo.
Aluba uMlahlwa wathi esekhuliswe ngendlela eyamhlukumezayo, wathola abangane abakhayo bembonisa ngeqiniso lempilo njalo bemfundisa ukuphila kuhle labantu okuyisigaba angazange asithole ngokufaneleyo empilweni wayengasoze aphile impilo yobugebengu lobudlwangu ayeyiphila labangane bakhe oPhawundi.
Abangane abaqotho babelakho njalo ukumbonisa ukuthi intombi zazinengi okwamagama okokuthi lapho uSolakele esemphekele esamatshe kwakungamelanga athathe isinqumo sokuthatha ngobudlwangudlwangu okwasekuvele sekumphunyukile.
Wayelalo ithuba lokuthola uthando olutsha kodwa-ke umhlobo wabangane bakhe wavele wamduhisa wamkhupha endleleni, okwacina sekudala ukuchitheka kwegazi ngendlela ebuhlungu kukanti kungadingakali lokuthi kwasekungaze kuchitheke igazi ngalolohlobo.
Empilweni kuqakathekile ukunanzelela uhlobo lwabangane esihamba labo, luhlobo olwakhayo kumbe luhlobo oluchithayo.
