Ophezulu Stinta
Emfuleni wezinyembezi olwalotshwa ngu Ezekiel S. K Hleza
Siyaqhubeka logwalo lwethu lapho ngeviki edlulileyo sitshiye umhlangano omkhulu wabafana beganga usutshayisile. Siqala isahluko sesitshiyagalo lunye, singena ngemini yeKhisimusi abantu bonke bejabulele usuku lolu lweKhisimusi.
Ziyatsha indaba phakathi kwezakhamizi abavela emadolobheni kucaca yibo abalodaba oluvuthayo njengoba bona behlala lamawayilesi indaba zonke yibo abaziphetheyo njengoba zinjalo kukanti ngengxoxo ekhona kwakusobala nje ukuthi zimbi indaba.
Kusobala ukuthi ngalesi isikhathi abafana beganga basebehambe izinga elide bezilungisela ngempi yomhlaba abanye sebeze bafika elizweni laseRussia besiyaqeqetshela yona impi.
Izingwalo
Kusobala ilizwe leRussia laliqeqetsha ngempela kuyalandiswa nje ukuthi bawatshaya amasotsha bawakhuphela phandle kwenkundla baqeda abafana bagxumeka ifulegi yabo kuleyonkundla. Kunjalo nje asikho ukuthi lawo amasotsha amabhunu ayalala nxa kunje kawalali ngitsho, lawo ayetshaya eziwayo eqaphe kanye kulabo abalolwazi ngentuthuko lamalungelo abansundu.
Phakathi kwengxoxo kaMasolombana lomngane wakhe kuqhamuka umbuzo ongumadida mpela omunye uza lodaba lokuthi kambe kuliqiniso na ukuthi ubuntu lesintu leli elizwakala litshaya liqothula lalikhokhelwa nguDingilizwe Malandu, iyangena njalo indikimba yenkolelo sinanzelela ukuthi akukhathalekile ukuthi abantu babona isiga esehlela uDingilizwe kodwa babuya babone umumo ngelihlo lenkolelo, kambe angabe wafa wavuka na lokhu kwenzakale njani.
Related Stories:
Kusephakathi kwenjabulo kwaqhamuka umthimba uvelela emavinkilini abantu bonke babesamangele bebizana ngelokususa umhlolo lokubona okuyikho kanye okwakusenzakala ngeqiniso ngeqinso.
Bathe umthimba wala ulokhu usondela kwaqala ukutshwaqa inwele zabantu wonke umuntu esefisa lokuyacatsha lokuthi nje umhlaba umginye.
Ngokuphazima kwelihlo induna yomthimba yakhwaza kwathophela ngelithi umuntu wonke kangene emhlambini ekhombela abafana kanye lamantombazana. Pho kwasekutheni.
