Ukuhluzwa kogwalo: Imibhalo engalatshwanga

27 Aug, 2020 - 00:08 0 Views
Ukuhluzwa kogwalo: Imibhalo engalatshwanga Umfanekiso uthethwe ku ISO Republic

uMthunywa

SIKHANGELA izibongo zokuthethela amakhosi. Kwakulembongi ezikhethekileyo, ezazisaziwa okwakuyizo ezazivunyelwa ukubonga amakhosi lapho abantu bethe gwaqa enkundleni, izikhathi ezinengi kuyabe kuvelwa empini lapho eyabo ithe yanqoba.

Abantukazana labo-ke babevunyelwa ukuthi batsho labo izibongo, babe lawo amathuba okugiya behaya inkosi, ngokufanayo labafanyana abelusayo labo babekhula begiya behaya kulapho-ke okwakuphuma khona imbongi zakusasa.

Ukuthethela khona vele kuyini, yindlela yokukhulumisana labaphansi lapho abantu bedinga ukuvikelwa kungaba kusemkhuhlaneni kumbe kuzi nhlupho ezithile ezisemhlabeni.

Ukuthethela lokhu kuqhutshwa phakathi kwezimuli, kuqhutshwa ngosendo, lapha kukhulunywa labokhokho abangasekhoyo, izihlobo zomdeni ezadlulayo emhlabeni yikho nje kuqhutshwa ngumdeni.

Ukuthethela lokhu kuvelela kunkolo yabensundu ethi abaphansi yibo ababagcinileyo, yikho nje kulendlela zokukhulumisana labo ezifana lakho ukuthethela lokhu. Ukuthethela njalo ngokunye ukuzwisisa yikubhula umlilo, ukudedisa ulaka lwabaphansi, ukuze kube loxolo kulokhu okuhambe kwaphambaniseka, ukuthethela yinto eyenziwa ensitha, akusinto okwakudlalwa ngayo, abantu babesenza amalungiselelo ezinga eliphezulu ukuze kuqhutshwe leli siko, kwakungasonto nje eyayivuka isenziwa umuntu angacabanga.

Amakhosi-ke lawo ayelazo izibongo zawo ayethethelwa ngazo, sizakhangela ukuthi-ke wona ayethethela nxa kutheni.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds