Ukuhluzwa kogwalo

22 Apr, 2021 - 00:04 0 Views
Ukuhluzwa kogwalo Umfanekiso uthethwe ku ISO Republic

uMthunywa

Wangithembisa lami , Ugwalo olwalotshwa ngu I N Mpofu

Ophezulu Stinta
Siqhubeka ngogwalo lwethu, lapho esinanzelela khona isiko lokuzibika kwejaha eselikhulile, eselifike kuzinga lokuthatha.

Izolo bekuzila ukuthi intombi ivuke ihlezi emzini kungaqhutshwanga ngendlela yesintu, indlela eletha lenhlonipho entombini emdenini wakwakhe kanye lakwabozala.

Sibona umuzi wakoNyathi uhlalela phansi indaba yendodana yabo kuhlelwa lendlela yokuyabika udaba lolu kwabakoNdlovu, okuyindlela yokwazisana ngabantwana asebeyengene.

Ngokuvumelana komuzi kwakhethwa uMafu indoda eyayisaziwa esigabeni isaziwa ngenhlonipho kanye lesithunzi sayo, indoda eyayisazi ukukhuluma hatshi egxanguzayo. Indoda le yiyo okuthiwa lidombo, bekuqakathekile-ke ukuthi kukhethwe umuntu ozahlonitshwa lalapho athunywe khona ukuze udaba ahamba ngalo lwamukelwe kungelakuthandabuza ngitsho.

Sinanzelela ukuthi ngelanga lokuqala uMafu ehambele koNdlovu wafika wemukelwa ngesihle, waze waphiwa lokudla kodwa-ke uthe esezibika udaba ahamba ngalo kwavuka uthuli, waxotshwa lakuleli khaya, yindlela okwakuqhutshwa ngayo-ke le ukuze kube sobala ukuthi umuntu wayeqinisile yini ngodaba ayehamba ngalo engelanhloso yokudlala ngomntanabo.

Kwakudingeka umuntu obekezelayo, ngoba kweminye imizi indoda yayingaphuma loduma ekhanda.
UMafu simbona exotshwa kabili emzini wakoNdlovu baze bamlalela ngokwesithathu, lakho sebehlonipha ukuthi kwakunguye. Kulesi sigaba sifunda kakhulu ngokuqhutshwa kwesiko lokucela umlilo, okuyikucelwa kwentombi.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds