UKompela usejoyine uMngqithi lo Rhulani kuDowns

15 Oct, 2020 - 00:10 0 Views
UKompela usejoyine uMngqithi lo Rhulani kuDowns uSteve Komphela

uMthunywa

USEJOYINE ompetha bokugcina be-Absa Premiership, iMamelodi Sundowns, uSteve “Mphathi” Komphela kulandela ukusulwa njengomqeqetshi weGolden Arrows.

UKomphela ujoyina iSundowns njengomsizi wabaqeqetshi abazovala isikhala esitshiywe nguPitso Mosimane, uManqoba Mngqithi loRulani Mokwena. Laba baqeqetshi bebengabasizi bakaPitso osejoyine iqembu elikhu le-Egypt i-Al Ahly.

UKomphela akabanga lesizini enhle le-Arrows njengoba kuphele isizini ihleli endaweni yesi-12 etafuleni. Uke waqeqetsha iKaizer Chiefs kumasizini edlule kodwa wakhonjwa indlela ngemva kokwehluleka ukunqoba izicoco. UKomphela ujoyina leli qembu nje, iSundowns izobhekana leChiefs emdlalweni wokuqala weDSTV Premiership mhlaka 24 Mfumfu ngo-3.30 ntamabama.

Evalelisa ku-Arrows uKomphela ubonge usihlalo waleli qembu ngokumsekela.

“Ngifisa ukubonga usihlalo weLamontville Golden Arrows, uMato Madlala, lalo iqembu uqobo ngokungisekela lokungigquqguzela ngesikhathi ngisenguumqeqetshi walo. UMato le-Arrows bangikhulisile ebholeni futhi ngiyohlezi ngikubonga lokho. Ngithole ithuba eliyingqayizivele lokujoyina iMamelodi Sundowns njengomqeqetshi ngisebenzisana loManqoba Mngqithi loRhulani Mokwena.

Sengikulindele ngabomvu ukuqala lo msebenzi futhi ngiyethemba ngizoba lesandla ekukhuleni kweMamelodi Sundowns eNingizimu Afrika lase-Afrika,“ kutsho uKomphela esitatimendeni.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds