Uncategorized

‘Uklinye intombi wayincitsha umoya ngenkomitsho’

16 Jan, 2020 - 00:01 0 Views
‘Uklinye intombi wayincitsha umoya ngenkomitsho’

uMthunywa

UMDENI wowesifazane oklinywe wancitshwa umoya ngenkomitshi waze wafa KwaJomela, KwaNongoma, ufisa libolele ejele isoka elibhekane lensolo zokubulala. 

Isidumbu sikaLwazi Myeza (26), sitholwe endlini yesoka lakhe ngoMgqibelo sesihanjwa zintuthwane. 

Umufi kuthiwa utholwe lenkomitsho eyimaki yensimbi isamvale umlomo okusolwa ukuthi ubemncitsha ngayo umoya, wabe esemklinya. 

Ugogo kamufi, uNkosazana Celiwe Myeza uthe ngenxa yokuhlukumezeka abakubonileyo leli soka bafisa engabe lalo libulewe loba libotshwe. 

“Lamanje angikholwa isihluku okubulewe ngaso ingane yami iklinywa, incitshwa umoya ngenkomitsho, lebhulugwe abeligqokile litholwe lilegazi okwenza sisole ukuthi umdlwengulile. Leli soka elingumsolwa belihlala limtshaya. Indodakazi itshona nje ibivele ingasezwa endlebeni lasemehlweni ingasaboni kuhle ngenxa yesibhaxu sesoka. Lami nje ngilenxeba lokugecwa yilo isoka lifuna indodakazi ngenkani, ubelobulwane,” kutsho uNkszn Myeza. 

Elandisela intatheli uthe ngoLwesihlanu umsolwa wafika elwa efuna umufi ngenkani. Uthe umtshelile ukuthi akekho ngoba emfihla. 

Umsolwa kuthiwa ucine ekwazile ukumthola kwezinye izihlobo abecatshe kuzo wahamba laye. 

“Ngithintwe ngomakhelwane bakubo kwesoka ngoba bebone indodakazi ithe daca endlini yesoka. Umsolwa ubesebhace ezihlotsheni, ulandwe khona wabotshwa,” kutsho uNksz Myeza. 

Okhulumela amapholisa KwaZulu-Natal, uColonel Thembeka Mbele, uthe kubotshwe umsolwa oleminyaka engu-36 ovele izolo enkantolo. Umphumela wecala enkantolo awuzange utholakale njengoba idokethi belisesenkantolo. 

UNksz Myeza ulandisele Isolezwe kabanzi ukuthi ingane kadadewabo ayikhulise njengeyakhe kulandela ukutshona kukanina esemncane, ibisiphila okwenyamazane ngenxa yokuhlukunyezwa lisoka layo. 

Uthe icala wake walivula kodwa ngendlela abemtshaya ngayo, wamesabisa waze wayalesula.

Uthe umufi ubelengane eleminyaka eyisikhombisa, ebesekufana lokuthi ngeyakhe uNkszn Myeza ngenxa yokuthi unina ubehlala ngokujahwa yisoka limlande ngenkani ngakibo.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds