uMthunywa
UKGOTHATSO Tsotetsi, ongumaneja kamculi we-Afro pop ongundabamlonyeni kulezinsuku uKelly Khumalo, usola kakhulu isenzo sabafundi abathethisa lumculi ngenhlamba.
UTsotetsi ubephawula ngabafundi ababonakala kuvidiyo esabalale ezinkundleni zokuxhumana abazwakala becula ingoma elamagama alumelayo abhekiswe kuKelly.
Kulividiyo eqale ukubonakala kuTwitter ngoLwesine, abafundi ababukeka befunda amabanga aphansi, bazwakala bebiza umculi ngegama elisetshenziswa kumuntu wesifazane ongaziphethanga kuhle.
Kulingoma babobakala bebholoha ekilasini, bethi bayamzonda uKelly oyisi*** saseGoli.
Kgothatso Tsotetsi
Ephawula uKgothatso Tsotetsi, uthe uyazizwela izingane ezifundiswa ngababalisi abakhombisa ukuba lomkhuba wokunganaki lokungakhuli emqondweni.
“Abazali bezingane kumele bakhathazeke ngesenzo esenzeka kulesi sikolo. Siyithimba elisebenzisana loKelly asikwazi ukwanda ngalolu daba. Kusezandleni zabazali ukuqikelela ngekusasa lezingane zabo,” kutsho uKgothatso.
Abantu abebephawula ezinkundleni zokuxhumana bazwakalise ukukhathazeka ngamagama alumelayo asetshenziswa yilaba bafundi.
UBuhle ubuze ukuthi: “Kungani othitsha befundisa izingane into efana lale?”
UNdingumXhosa, uthe: “Ngiyafisa ukwazi ukuthi kungani lezi zingane zisebenzisa leli gama,” – Isolezwe.
