uMthunywa
Wayne Ncube
UMUYI owayengumhlabeleli owaziwayo kuleli uOliver Mtukudzi unikwe esinye isicoco sokuhlonipha umsebenzi awenzayo kumaZimbabwe Hip Hop Awards eHarare.
Lanxa sokulenyanga ezilitshumi uMtukudzi wadlula emhlabeni, isicoco sokuhlonitshwa kwakhe sikhumbuze uzulu ngendlela ayethokozisa ngayo abantu ngengoma zakhe ezithinta impilo zabantu okuyikho nje okumenza aze ahlonitshwe esemathuneni.
UMtukudzi ngomunye wabahlabeleli abambalwa ababalisa uMicheal Jackson loHugh Masikela asebekhunjulwe ngezicoco zenhlonipho.
Intatheli ikhulumisane lomhlabeleli osakhulayo uLesley Muzuwa uthe ujabule ngokuhlonitshwa kukaTuku kwezokuhlabelela.
“Kuyathabisa ukuzwa umuntu okhangelele kuye kwezokuhlabela ephiwa isicoco sokuhlonitshwa lokhu lami kuyangikhuthaza ukuthi ngisebenze nzima emsebenzini wami ngoba ngifuna ukuba njengoTuku.
Kusenjalo uMsizikay ongumhlabeleli wakoBulawayo odume ngengoma yakhe ethi Inkomo zamalobolo laye uthethe isicoco sokuba yiBest Alternative.
Kukhangelelwe njalo ukuthi uMsizikay athole njalo esinye isicoco kumaSkyz Metro Awards.
