Uncategorized

Ukhulelise ogula umkhuhlane wengqondo

30 Nov, 2023 - 00:11 0 Views
Ukhulelise ogula  umkhuhlane wengqondo Ulnspector Emmanuel Mahoko

uMthunywa

Thokozile Mbedzi

ZILOKHE zinkemile izakhamizi zesigabeni seSimbi, eMberengwa ngemva kokuba enye indoda idlwengule umakhelwane wayo ongaphilanga egqondweni waze wakhulelwa.

Kubikwa uTongai Shumba  wendaweni yamabhizimusi eChirovandovo wadlwengula umakhelwane wakhe oleminyaka engu-30 waze wamkhulelisa.

Ekhuluma lentatheli kaMthunywa uNkosikazi Layna Sibanda uthe balokhu belesithuli.

“Silesithuli silapha kasilankani ngendlela umakhelwane wethu enze ngayo isihluku komunye umama ongumakhelwane ogula umkhuhlane wengqondo.

“Isiga lesi sivele ngeviki ephelileyo  ngemva kokuba udadewabo enanzelele ukuthi umnawakhe  usezithwele.

“Lokhu kwamethusa ukuba ukhuleliswe ngubani njalo njani.

“Udadewabo wasembuzisisa kuhle ukuba ukhuleliswe ngubani yikho ukuchaza kwakhe ukuba ukhuleliswe ngumakhelwane wabo uTongai Shumba.

“Lokhu kwenzakala ngenyanga kaNhlangula lapho inina leli elahambela emfuleni lilodwa uTongai wahle wathatha ithuba lokuba alidlwengule.

“UTongai wathatha amathuba esimo senina leli ngoba lingaphilanga walibizela egangeni lapho okwembese khona izihlahla wahle walidlwengula.

“Eselidlwengulile inina leli njengomuntu ogulayo kwangazakali kwaze kwavela udadewabo esebona ukuba ukhulelwe wasembuza kuhle, wamchazela ukuba yena umuntu owamdlwengulayo nguTongai,” kulandisa uNkszn Sibanda.

Isikhulumi samapholisa esabelweni se Midlands uInspector Emmanuel Mahoko ebuzwa ngodaba lolu uvumile wathi solufikile ehofisini yabo.

“Udaba lwendoda edlwengule inina eligula umkhuhlane wengqondo lakhulelwa solufikile ehofisini yethu.

“Amapholisa asaphenyisisa ngodaba lolu, uzulu ongaba esazi lapho okulomsolwa lo kazise amapholisa aseduzane ukuze afinyelelwe yingalo yomthetho, kuphetha uInsp Mahoko

Share This:

Sponsored Links