uMthunywa
UPHINDE wakhala ngezinqumo zikanompembe umqeqetshi weMamelodi Sundowns uPitso Mosimane ngesikhathi iqembu lakhe litshaywa yiKaizer Chiefs 2-0 emdlalweni weligi eLoftus Versfeld Studium ngeSonto.
Umgadli uSamir Nurkovic utshaye womabili amagoli eChief kulomdlalo kodwa igoli lakuqala livuse umsindo njengoba uPisto kanye labadlali bakhe beMamelodi bekhale ngokuthi uNurkovic ubesemhlabeni ongafanelanga ngesikhathi evalela ibhola enethini. Lesi sinqumo sitshiye abanengi bedidekile njengoba bekungaqondakali ukuba ibhola limthintile yini uLeonardo Castro ngaphambi kokuqedelwa nguNurkovic.
Ebuzwa ngemva komdlalo, uPisto akazange athande ukuthandabuza ukugcizelela ukuthi iChiefs incedwa ngonompembe.
UMiddendorp ngomunye wabaqeqetshi abalenhlanhla. Igoli leChiefs kube yi-offside. UCastro nguye ocine ukuthinta ibhola. Lokho kuyawutshintsha umdlalo, besesidlala ngaphansi kokuncindezelwa ngoba iChief ivunywe liphutha likamsizi kanompembe. Sikhona yini isidingo sokuthi sikhombise izikhathi lapho iChiefs ivunywa yizinqumo zikanompembe? Ngeke nginake kakhulu amaphutha kanompempe nxa sidlala laMazulu, iGolden Arrows loba elinye iqembu. Kodwa nxa sidlala leChiefs, ngizonakisisa. Sekukanengi iChiefs ivunwa ngonompempe,” kutsho uMosimane ekhuluma lentatheli.
Ngaphambi kwalomdlalo, uPitso ubekhalaza ngamaphutha abonompempe nxa kudlala iChiefs. Lumqeqetshi uphinde walinganisa ngamaphenathi ahlezi etholwa yiChiefs. Inkulumo kaMosimane yesekwe umqeqetshi weCape Town City uBenni McCarthy ngeSonto eledlule, laye oveze ukuthi iChiefs ivunwa ngonompempe.
UJingles uthe amathuba okugcina isicoco seligi awalele ekunqobeni kuChiefs ngoba kusasele imidlalo eminengi.
“Akumele sitshaye iChiefs ukuze sizowine iligi. Kusele imidlalo engu-23, loba sidliwe kulungile. Iqembu lidlala kahle, kwakushubile ngesikhathi sidlala leHighlands Park. Abadlali bebekhathele umdlalo suzaphela. IChiefs iphumulile ngesikhathi sidlala ngoLwesithathu. Yingakho kulimele uThemba Zwane. Kulungile, siyavuma, sihluliwe. Ayikho inkinga, sizoqhubeka. Uma iChiefs ivunwa ngamaphutha kanompempe, ngizokhuluma ngoba bathola usizo kunompempe. Angazi loba sesibuyele eminyakeni yama-80’s kodwa iChiefs ivunwa ngamaphutha kanompempe. Noma kungeyona i-offside kakhulu, uma udlala neChiefs, zilungiselele,” kuchaza uPitso.
