ABALANDELI bomdlalo wenguqu eGoli bayavuma ukuthi benza iphutha ngokuthi uWillard Katsande, umdlali weKaizer Chiefs ‘uyinkomo’ enkundleni.
Ngaphansi, ngumbono womunye wabalandeli laba ovuma ukuthi abadlali abafana loKatsande bayafunakala emaqenjini.
“Ngokwedlela yami, yokuqonda okuthanda unobhutshuzwayo, kumele sikwamukele ukuthi iqembu leqembu linenkomo yalo elifukuzelayo.
Umdlali weZimbabwe, uWillard Katsande useke waba ngukaputeni weqembu lesizwe ezweni lakhe emdlalweni eminengi. Ngaphandle kwalokho nxa uzabukela kahle imidlalo yeChiefs, uma engekho uKatsande ayijwayelanga ukunqoba. Isibonelo nje, ngesikhathi iChiefs ithelwa othulini AmaZulu FC nge 1-0 ngempelaviki edluleyo, uKatsande ubengekho ngenxa yokuthinteka. Nanso-ke enye inkomo elisebenzelayo iqembu.
UKatsande usazobonakala kuChiefs langesizini ezayo ngoba uyivuselele inkontileka yakhe ngesizini eyodwa.
Mina ngicabanga ukuthi ayikho lencane inkinga yokuba lenkomo eqenjini futhi amaqembu amanengi alazo inkomo zawo ezizimiselayo, ezicina zingasali eqenjini.
Ngike ngabuka i-video ebisabalele kuFacebook ngumdlali othile. Umdlali lo uthatha ibhola esengxenyeni enkulu yeqembu lakhe, ahlabe ngejubane lalo, adlule enkabeni yenkundla, aze afike ngasemapalini ezitha, bese ibhola licine liphumele ngaphandle engazamanga lokuligobela abanye bakhe. Le yiyo ‘inkomo’ yomdlali engafunekiyo lakancane eqenjini.
Ngikhuluma ‘ngenkomo’ esithi ayazi lutho ngebhola kodwa icine isivala imlomo yabantu ngokuba ngokaputeni loba idlale yonke imidlalo yesizini.
Kumasizini adluleyo kuke kwakhalwa kakhulu ngobunkomo buka-Aaron “Mbazo” Mokoena.
UMokoena usivale imlomo sonke ngoba konke lapho ebehamba khona bekuyinto elula ukuthola indawo eqenjini, aphinde abengukaputeni weqembu.
UMbazo ube ngukaputeni weqembu lesizwe laseNingizimu Africa, iBafana Bafana, okwesikhathi eside lapho acina edlala imidlalo engu-107. Le yirekhodi elingakaficwa muntu kubadlali asebeke badlalela iBafana.