UKamambo wenza isibambiso sendlu

31 Oct, 2019 - 00:10 0 Views
UKamambo wenza isibambiso sendlu

uMthunywa

Wayne Ncube

INDUBO zenhlanganiso yeZifa azipheli njalo azisoze ziphele kweliseduze nanko phela umongameli wayo uFelton Kamambo wehluleke ukuthenga itikiti lendizamtshina.

Buyanda ubunzima kulinhlanganiso ephethe umdlalo wenguqu kuleli ngokuphuma kwembiko yokuthi uKamambo usebambise ngezindlu zakhe ezikoBulawayo ukuze athole ukuncediswa ngemali yokuthenga amatikiti endizamtshina eqembu lama-Warriors.

UKamambo wenze lokhu ngoba iZifa ayilamali ngoba ibanjelwe lempahla ngenxa yezikwelede. Iqembu lesizwe likhangelele ukuthi liyencintisa kumkhankaso wenkezo ye-Africa Cup of Nations.

UMthunywa uthole udletshana lokuthi izindlu zikaKamambo zibanjiswe inkampani ye-LED Travel and Tours ukuze linkampani yenelise ukuthi ihlanganise kakuhle uhambo lwama-Warriors.

Yona linkampani ibike ukuba umgcinisihlalo weZifa,  uFelton Kamambo uphinde wacela ukuphiwa enye imali engange US$18 000 ukuthi enelise ukuthengela iqembu lama-Warriors amanye amatikiti okuthi iqembu ligcwalisise imidlalo yayo yomkhankaso we-Afcon.

Osaziwayo bomdlalo webhola lenyawo baphange bancoma isenzo sikamongameli weZifa lo bathi ukubambisa ngendlu lokhu kutshengise ubuntu bakhe.

Intatheli yephephandaba likazulu ixhumane lesikhulumi seZifa uXolisani Gwesela othe akalaqiniso ngaloludaba kodwa “kungabe kuliqiniso” ukuthi uKamambo ubambise ngendlu yakhe ekoBulawayo ukuze athole imali leyo efunakalayo.

“Mina kangilalwazi lokuthi lokho kungabe kumi kanjani kodwa ungakhulumisana legqwetha lethu uMnumzana Gumiro nguye ongatsho.”

Ngesikhathi iphephandaba lidinga umbono lolwazi lukaGumiro, kazange aphakamise ucingo. Imizamo efika kathathu yehlule kodwa lakho akuzange kwaba lempumela enhle ngoba ucingo luka Mnu Gumiro lungadojwa.

Kusenjalo selikhethiwe iqembu labadlali abangu 32 abazakudlala kumidlalo ye Africa Cup of Nations Qualifiers lamaqembu amabili iBotswana leZambia ngenyanga ezayo.

Ama-Warriors azakuqala ukudlala leqembu leBotswana mhlaka 15 Lwezi enkundleni yeBorbourfields ngehola lesithupha ntambama iphinde izodlala leqembu leZambia mhlaka 19.

Onozinti: Elvis Chipezeze (Baroka), Martin Mapisa (Velez CF), Simbarashe Chinani (Dynamos).

Imvimbi: Douglas Nyaupembe (Stockport County), Ian Nekati (ZPC Kariba), Tivonge Rushesha (Swansea City), Cliff Moyo (Kidderminister Harriers), Divine Lunga (Lamontville Golden Arrows), Adam Chicksen (Bolton Wanderers), Jordan Zemura (Bournemouth), Ronald Pfumbidzai (Bloemfontein Celtic), Teenage Hadebe (Yeni Malatyaspor), Alec Mudimu (CEFN Druids), Partson Jaure (Manica Diamonds), Kelvin Moyo (Chippa United).

Esiswini: Marshall Munetsi (Stade de Reims), Thabani Kamusoko  (Zesco United), Butholezwe Ncube (Amazulu), Marvelous Nakamba (Aston Villa), Ovidy Karuru (Amazulu), Kudakwashe Mahachi (SuperSport United), Khama Billiat (Kaizer Chiefs), Phenias Bamusi (Caps United), Jonah Fabisch (Hamburger SV),

Abagadli: Admiral Muskwe (Leicester City), Terrence Dzvukamanja (Bidvest Wits), Prince Dube (Highlanders), Knowledge Musona  (RSC Anderlecht), Tinotenda Kadewere (Le Havre AC), Knox Mutizwa (Lamontville Golden Arrows), Macauley Bonne (Charlton Athletic), Evans Rusike      (SuperSport United).

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds