uMthunywa
Nanzelela ukuthi kuyahambelana ukusetshenziswa kwesabizwana sokukhomba lokusetshenziswa kwesabizwana soqobo esikwenze ngaphambili. 1. Isabizwana sokukhomba singalandela ibizo emutshweni – Inkomo lezi zifohlile ebusuku. Umuzi lo muhle.
Kumutsho wakuqala isabizwana sokukhomba /lezi/ silandela ibizo inkomo. Kumutsho wesibili isabizwana sokukhomba lo silandela ibizo umuzi.
- Isabizwana sokukhomba singandulela ibizo emutshweni. Lesi isigqoko sihle. Lolu ukhuni lumanzi.. (Nanzelela ukuthi unkamisa wakuqala webizo angeqiwa.). Kumutsho wakuqala singeqa unkamisa wakuqala webizo isigqoko sithi: Lesi sigqoko sihle.
- Okwesithathu isabizwanaa sokukhomba singaba yinhloko emutshweni. Lesi siganyulwe ngumfana wakoNdlovu. Lokhu kuphekwe ekuseni.
- Singaba ngumenziwa emutshweni. Ubaba uthenge leya. Izinja zidle lesiya.
- Okwesihlanu isabizwana sokukhomba singalandela ezinye izabizwana emutshweni. Bona zona lezi. Wonke lowo uyafuneka emhlanganweni.
Isabizwana senani
Isabizwana senani simela ibizo emutshweni njengezinye izabizwana. Ake sihlolisise initsho elandelayo: Uthengise zonke inkomo zakhe. Bathanda ukudlala bodwa. Bobathathu bahambile eGoli. Izindlu zakhe zombili zitshile. Abantwabakhe bobane baphumelele kuzifundo zabo. Amagama alandelayo: zonke, bodwa, bobathathu, zombili, bobane ayizabizwana zenani.
Isabizwana lesi sileziqu ezintathu: -nke, -dwa, -bili, -thathu, -ne, -hlanu. Iziqu u – bili, -thathu, -ne, lo –hlanu zisebenza njengesiqu esisodwa. Sizaqala lapha kuviki ezayo.
Hlala uhlanzekile ukuze uvikele i COVID 19. Geza izandla sikhathi sonke ngamanzi alomlola(isepa). Hlala endlini ngaphandle kokuthi ulesizatho esiqinileyo hatshi ukuyanquma edolobheni nje kuphela.
