uMthunywa
KUSABATSHAZWA isihluku sowesilisa weNtaphuka, eNdwedwe, ohlasele intombazane isesikolo, wayikhipha ifunda, maqede wayigwaza wayibulala phambi kwabafundi lotitsha.
Lesi sehlakalo ngeviki ephelileyo ntambama eNqakathela High eNtaphuka, South Africa, sitshiye abantu abanengi bakule indawo bebabaza ulunya lomsolwa.
Kuthiwa udonse uPhindile Ngcwensa esekilasini, efunda, maqede wayamgwaza emagcekeni esikolo abafundi bebukele.
Kubikwa ukuthi leli bhantinti lenza lokhu nje, belisanda kuphuma ngebheyili ejele ngemva kokubotshelwa icala lokudlwengula yona lintombazane eseligcine ngokuyibulala. Kuthiwa umsolwa esephumile ejele, uphinde wayidlwengula lintombazane.
Intatheli ihabule ukuthi laba phambilini babethandana kodwa ucu belungasahlangani njengoba kuvele ukuthi umsolwa ubehlala ngokumhlukumeza umufi, emtshaya phambi kwabantu nsuku zonke. Kuthiwa umsolwa akagcinanga lapho kodwa uphinde wagwazwa omunye owesifazane wakhonale endaweni, wamphuca lemali.
Intatheli ihambele kule indawo ngngeviki ephelileyo kanti citshe wonke umuntu okhulume ngalindaba ubebika khona ukuthi lintombazane ibingakwazi ukuphumula njengoba ibiyikudla kwenduku kamsolwa.
Elinye ilunga lomphakathi elingeke livezwe, liveze ukuthi emasontweni amabili edluleyo umsolwa ubehamba eqhuba umufi, emtshaya abantu bebukele.
Lithi bekuyinto eyaziwayo endaweni ukuthi umsolwa uyamhlukumeza umufi.
Amanye amalunga omphakathi athe umsolwa uvele ungumuntu oluhlupho emphakathini.
UNkosikazi Nonhlanhla Ngcobo onguninomdala kamufi ekhuluma uthe umufi uzalwa yingane kadadewabo layo eseyatshonayo.
“Empeleni uPhindile akaselabo abazali, bonke sebatshona.
Phambilini ubehlala lapha ekhaya ngoba ngikhumbula ukuthi lasesikolo wafunelwa yimi njengoba bengasekho labazali.
Kuhambe isikhathi wasuka lapha ekhaya wayohlala ezihlotsheni, ngaphezudlwana kwalapha.
“Indaba yalumfana sike sayizwa ngabantu, sitshelwa ukuthi uyamhlukumeza.
NgoLwesine kuqale kwafika ingane yalapha ekhaya efunda laye esikolo yasitshela ukuthi ugwaziwe.
Sizwe ukuthi lomfana ufike esikolo bematasa ngamakilasi antambama njengoba bebeyaye bafunde uma sekuphume isikole.
“Bathi ufike wamthatha waphuma laye phandle lapho afike wamgwazela khona ephindelela.
Konke lokhu kwenzakale ezinye izingane zibukele.
Besingazitsheli ukuthi angaze enze into efana lale lumfana.
Okusididayo yikuthi kasazi ukuthi kwasekuqaleni wayephume kanjani njengoba ubebotshiwe ngakho ukuyihlukumeza le ngabe,” kutsho uNkkz Ngcobo.
Okhulumela amapholisa eKwaZulu-Natal uLt Col Nqobile Gwala, usiqinisekisile lesi sehlakalo, wathi kuvulwe icala lokubulala kanti ukhona umsolwa obotshiwe, ozamiswa maduzane enkantolo..- Ilanga
