YiNtatheli kaMthunywa
OWAYE ngumdlali omkhulu weqembu lekhilikithi lakuleli, uHeath Streak kasekho.
UStreak, obeleminyaka yokuzalwa engu-49, udlule emhlabeni ekuseni ngeSonto, emzini wakubo Enthokozweni Farm, esiqintini seNyathi esabelweni seMatabeleland North.
Uyise uDenis uqinisekise lokhu, wabika ukuba uHeath ubegula okwenyanga eziyisithupha ezedluleyo.
“UHeath ubengezwa kuhle. Kunyanga eziyisithupha ezedluleyo, ubekhathazwa ngumkhuhlane wemvukuzane. Udlule emhlabeni ngehola lakuqala ekuseni,” kutsho uDenis.
Umuyi ubengumhlonitshwa kumdlalo wekhilikithi nanko uthole udumo edlalela iqembu lesizwe ama-Chevrons, aphinda wabangumqeqetshi walo njalo.
