UHadebe ukhetha amthandayo. . . ubopha elikasofa silahlane

27 Aug, 2020 - 00:08 0 Views
UHadebe ukhetha amthandayo. . . ubopha elikasofa silahlane

uMthunywa

YiNtatheli kaMthunywa
UMDLALI wenguqu wakuleli osetshibilika elizweni leTurkey odlala njalo kuqembu lesizwe uTeenage Hadebe usemkhethile amthandayo nanko phela usebophe ifindo likasofa silahlane lesithandwa sakhe, uMitchell Matambanashe.

Umdlali lo olabantwana abathathu loMitchell, wenze izifungo zakhe eBulawayo Civil Court kuviki ephelileyo.

UHadebe loMatambanashe bahlangana besafunda esikolo seMzilikazi High School lapho abaqeda khona izifundo zabo ze-O-level ngomnyaka ka2012.

 

Umntanabo wokuqala uJordan wazalwa ngomnyaka ka2016 kukanti lonyaka ngenyanga kaMbimbitho babusiswe ngamawele uAlwande loLwandile, intombazana lomfana.

Ngesikhathi amawele ezalwa, uHadebe ubeseTurkey njalo uze wawabona isizini isiphelile ekupheleni kwenyanga edluleyo.

UHadebe waqala wadlalela iqembu leBantu Rovers andubana ayedlalela iHighlanders ngo2015 wasesiya kuChicken Inn ngo2016.

Wasuka lapho wayatshibilika kweleSouth Africa ngoNtulikazi ngo-2017 lapho ayedlalela iqembu leKaizer Chiefs andubana ayedlala kweleTurkey ngoNtulikazi nyakenye.

Share This:

Sponsored Links

Survey


We value your opinion! Take a moment to complete our survey
<div class="survey-button-container" style="margin-left: -104px!important;"><a style="background-color: #da0000; position: fixed; color: #ffffff; transform: translateY(96%); text-decoration: none; padding: 12px 24px; border: none; border-radius: 4px;" href="https://www.surveymonkey.com/r/JRD3VTT" target="blank">Take Survey</a></div>

This will close in 20 seconds