uMthunywa
Ethel Ncube
KULENDODA yeShariwa eShurugwi egwetshwe ukuyapika iminyaka elitshumi kulandela ukutholakala ilecala lokutshontsha intambo zamafoni zeTelOne ezibiza iUS$6 720.
Umsolwa uNyasha Chiherenge oleminyaka engu-23 yokuzalwa ubemiswe emthethwandaba weGweru Regional Court ngeviki ephelileyo kulandela ukutholakala entshontsha intambo ze-copper.
Umtshutshisi kulelicala uEgrina Matutu uveze ukuba umsolwa ngomnyaka wonalo ngenyanga kaZibandlela watholakala etshontsha intambo ze-copper duzane lakoBata.
Umthethwandaba uzwe ukuthi umsolwa wafika kuleyondawo waquma intambo ze-copper i-alarm yasikhala eyenza unogada owayelindile wananzelela ukuthi kukhona okutshaya amanzi.
Kubikwa unogada lo wahle waphangisa wazisa abanye bakhe baqala ukubhoda beliqula bamfica esequme intambo zamafoni ezingaba yi-100 metres kodwa engekho basebelinda kuleyondawo.
Umsolwa waphenduka logodo ezothwala intambo lezi onogada bahle bamlanda bambopha.
Intambo ayeziqumile zazibiza iUS$6 720.
Umantshi uRumbidzai Mugwagwa uqume ukuthi umsolwa ayepika ejele iminyaka elitshumi ukuze kube yisibonelo kwabanye abatshontsha intambo ze-copper.
